في الفترة اللي فاتت المصريين العاملين بالخارج اتحولوا لكنز للدولة المصرية، وحاليا الدولة حطت خطة لزيادة ايراداتهم، وكمان حاجة المصريين هيستفيدوا منها بشكل كبير جدا.ز ياتري اية هيا الخطة دي وازاي المصريين العاملين بالخارج هيستفيدوا منها.

في الفترة اللي فاتت واللي الدولة كانت بتعاني فيها من قلة الموارد الدولارية، خصوصا بعد خروج عدد كبير من مصادر مصر الدولارية من الخدمة مؤقتا أو ضعف الايرادات اللي جاية منها، بسبب الاحداث السياسية اللي كانت موجودة في منطقة الشرق الأوسط واللي اثرت علي الدخل القومي المصري خصوصا من قناة السويس واللي ايراداتها اثرت بنسبة اكثر من 70%ن ده غير الصناعة والسياحة واللي ايراداتهم تاثرت برضوا بنسبة كبيرة بسبب الاحداث الاقليمية.

طيب اية اللي عملته مصر علشان تزود ايرادات المصريين العاملين بالخارج؟.
مصر في الفترة اللي فاتت وتحديدا في 2023 ولحد بداية 2024 كانت عندها ازمة كبيرة في توفير الدولار، وكانت الايرادات اللي جاية من موارد مصر كانت محدودة وضعيفة جدا، وكانت الدولة بتعاني من وجود سعرين للصرف أولهم السعر الرسمي في البنوك والثاني السعر اللي موجود في السوق السودا واللي كان اعلي بكتير من السعر الرسمي في البنوك وبالتالي، كان اغلب العملات الأجنبيية اللي موجودة في السوق المصري رايحة للسوق السودا وخصوصا العملات اللي جاية عن طريق المصريين العاملين بالخارج، خصوصا أن التاس كانت بتلجا للسوق السودا للاستفادة من فارق السعر.

بعد ما الدولة نجحت في توفير مصادر دخل دولارية لمصر من الخارج وكانت عن طريق توقيع صفقة الاستثمار السياحي في راس الحكمة واللي دخلت مصر 35 مليار دولار بشكل مباشر، والفلوس دي عملت سيولة في البنوك الوطنية وبقت الدولار متاح قدام الموردين والمستوردين، الدولة اخذت قرار تاني بتحرير سعر صرف الدولار بشكل مرن ، والقرار ده حول كل الدولارت اللي موجودة في السوق المصري الي القنوات الرسمية للدولة المصرية وهيا البنوك، وبالتالي انتهت حاجة اسمها السوق السودا في التجارة بالعملات.

قرار تحرير سعر صرف الدولار بشكل مرن، خلي السعر الرسمي في البنوك موازي للسعر في السوق السودا، وبالتالي تحويلات المصريين العاملين بالخارج رجعت كلها للبنوك المصرية، وعلشان كده تحويلاتهم سجلت رقم قياسي في 2024 ووصلت لـ26.3 مليار دولار في الفترة من يناير لحد نوفمبر 2024.

طيب اية هيا خطة مصر لربط المصريين العاملين بالخارج ببلدهم مصر ؟
الدولة حاليا عايزة تربط المصريين العاملين بالخارج وتزود اترباطهم ببلدهم مصر، وعلشان اطلقت مباردة بيتك في مصر، بمميزات حصرية للمصريين بالخارج، والمرحلة الأولى من المبادرة بتتضمن طرح عدد5055 وحدة سكنية وفيلا في عدد كبير من المحافظات المصرية وبيكون التعاقد والسداد بطرق دفع ميسرة ومؤمنة بالكامل، وكمان بخصومات بتوصل لـ 10% للوحدات المطروحة عن سعر السوق .. وأنظمة سداد حتى 10 سنين.