كشف بطل العالم لكمال الأجسام الكابتن بيج رامي عن الجانب المظلم في حياته الشخصية التي لا يعلمها الجمهور، وعن رحلة المعاناة للوصول إلى القمة والشهرة.

أسرار جديد في حياة الكابتن بيج رامي

وكشف بيج رامي في تصريحات لبرنامج "كلّم ربنا" مع الإعلامي أحمد الخطيب، عبر راديو 9090  أنه كان يعمل صيّادًا في كفر الشيخ، وهي كانت مهنته قبل الجامعة، بعدها عمل في مهنة التراحيل بقعد ع الرصيف انتظر رزقي، ثم سافر إلى الكويت للعمل في مهنة صيّاد، لكن عندما وصل الكفيل رفض يشغله وقال له: « شوفلك كفيل تانى.. مش عايزك.. وشكلك مش عاجبني»، مضيفا أنه ذاق معنى البهدلة في الغربه، لأنه ترك بلدخ من أجل لقمة العيش.

أوضح أنه بعد طرده من الكفيل ظل 4 شهور يعمل في تراحيل حتى يأكل ويشرب، لدرجة انه كان ينام في الشارع وشنطة يعملها مخدة.. بعدها بشويه سكنت في أوضة مع 14 واحد عشان المصاريف لغاية ما وصل قدر ربنا.. وحياتى اتغيرت فجأه!.

رحلة بيج رامي مع كمال الأجسام

روى البطل العالمي "بيج رامي"، أنه في يوم م الأيام واحد صاحبي قاله تعالى معايا التمرين وخدني معاه الجيم في الكويت، وهناك شباب مصريين من الشرقية عرضوا عليا العمل فالجيم حارس، وقالولى هنعلّمك التدريب من غير فلوس مقابل النوم في الجيم بدل من الشارع.. وافقت وبقيت اشتغل 16 ساعة يوميا، لكن للأسف بعد أسبوعين الجيم ده قفل وصاحبه قرر يبيع الأجهزة والمُعدّات!.

وأوضح أن من جاء لشراء الأجهزة واحد لبناني رأه وقال له: متيجي تشتغل معايا في الجيم بتاعي، قلتله ياريت، مضيفا: أنه كان لديه يقين كبير أن الله سيعوضه خيرا عما مضى، ولن يتركه واشتغل سنة كاملة بأجر ودي كانت أول خطوة، مكنش ليا علاقة أساسا بالرياضه، لكن في الجيم اتعلمت التدريب.

بيج رامي قبل_وبعد

وقال «أنا قلت لنفسي ليه متلعبش كمال أجسام وتتمرن؟  ويمكن يكون ده باب رزق وإن ربنا عمل معايا كل ده علشان يجبرني آخد المسار ده ؟، وقلت هجرّب أشارك في ماتش وأكون لاعب كمال أجسام.. وفعلا!،  كان هناك بطولة محلية لكمال الأجسام بعد 5 شهور في الكويت،  فقررت إني أشارك فيها رغم ان مكنش ليا أي علاقة بكمال الأجسام، وقعدت أتمرن ليل ونهار 5 شهور، ودخلت البطولة وكانت المفاجأه حصولي علي المركز الأول ودي كانت أول بطولة في حياتي.