قطاع السياحة واحد من القطاعات اللي الدولة حاطة علي امال كبيرة جدا في 2025 علشان يكون هو المصدر الأول الدخل الدولاري لمصر.. ياتري الدولة عايزة تحقيق كام مليار دولار من كايرادات.. وهل مصر قادرة علي تحويل قطاع السياحة كمصدر دخل أولي من الدولار.
 
من فترات طويلة والدولة بتأهل قطاع السياحة علشان يكون هو القاطرة اللي بتجر القطاعات المختلفة في مصر، وعلشان كمان يكون هو المصدر الأول من عناصر الدخل القومي في الناتج القومي، خصوصا أن إيرادات السياحة بتسمع معانا في الناتج قبل ما السائح يركب الطائرة أو يوصل مصر وده بسبب ان السائح بيدفع قيمة البرنامج السياحي قبل ما يخرج من بلده او يركب الطائرة أصلا.

الرقم اللي حققته مصر في 2024 واللي وصل لتحقيق 15.7 مليون سائح وتحقيق أكثر من 15 مليار دولار كايرادات خلال الموسم فتحت شهية الحكومة علشان تزوده لرقم أكبر والسنة دي الدولة مستهدفة انها تحقق 18 مليار دولار كايرادات من القطاع وكمان تحقق 18 مليون سائح خصوصاً أن مصر خلال 2025 هتعمل معجزة جديدة هتفتح اكبر متحف للآثار في العالم وهو المتحف المصري الكبير واللي الدولة حددت ميعاد افتتاحه يوم 3 يوليو اللي جاي واللي كل العالم منتظرة اليوم ده بسبب ان المتحف ده هيعرض مجموعة من القطع الأثرية هتظهر لاول مرة في التاريخ زي آثار توت عنخ آمون واللي بيوصل عددها لأكثر من 5 آلاف. قطعة واللي هتعرض لاول مرة في التاريخ من وقت اكتشافها في البر الغربي في 1922 .
طيب اية اللي بتعمله الدولة علشان تزود عدد السائحين الوافدين لمصر في 2028؟.
الدولة خاليا شغالة علي اكثر من حاجة لزيادة حركة السياحة الوافدة لمصر واللي يتكون في أفضل حالتها في فصل الشتاء وده بسبب انخفاض درجات الحرارة لارقام منخفضة جدا في أوروبا وبالتالى الناس هناك بتهرب من الانخفاض الكبير ده في درجات الحرارة وبيروحوا للدول اللي الدنيا فيها مضبوطة وبتكون مصر هيا الوجهة المفضلة لهم خصوصا في محافظات الاقصر واسوان، واللي بيكونوا عليهم اقبال كبير جدا في فصول الشتاء للاستمتاع بالجو الدافئ الموجودة حاليا. كمان مشاهدة ظواهر تعامد الشمس علي وجه تمثال الملك رمسيس الثاني واللي بتحصل مرتين في السنة الاولي منهم يوم 22 اكتوبر والثانية بتكون يوم 22 فبراير، والظاهرتين دول بيكون عليهم اقبال كبير جدا من الناس لمشاهدتهم والاستماع بيهم، خصوصا أن دي ظاهرة لحد اللحظة دي العلم الحديث مش قادر يتوصل ازاي المصري القديم قدر يتوصل لعلم الفلك بالطريقة دي ازاي .
الأزمة بتك ن عند الدولة في فصل الصيف واللي فيه الإقبال السياحي علي مصر، بيكون محدود شوية وعلشان الدولة تنشيطه عمل حاجة اسمها برنامج تحفيز الطيران العارض وده عبارة عن مبلغ مالي الدولة بتحطه لشركات الطيران اللي هتنظم رحلات سياحية لمصر في فصول معينة والهدف منه تحفيز شركات الطيران علي تنظيم رحلات سياحية لمصر .