قال أحمد شوبير نجم الأهلي السابق، أنه كان يحلم دائما بأن يكون حارس النادي الأهلي وكانت الدعوة الدائمة التواجد مع الأهلي، وفي المدرسة كان تعريفي أحمد عبد العزيز شوبير حارس الأهلي ومنتخب مصر، ويستعرض موقع تحيا مصر تصريحات أحمد شوبير.
تصريحات أحمد شوبير
وأضاف أحمد شوبير في تصريحات إذاعية مع أحمد خطاب في برنامج كلم ربنا في الراديو 9090، أول مدرس كان مؤمن بموهبتي في الإعدادي كان مدرسي رحمة الله عليه أحمد حسين، وأنا عمري ما كنت بسيب فرض وكانت بيتعامل معايا أني حارس الأهلي.
وزاد أحمد شوبير، بدأت مسيرتي في نادي زيوت طنطا، وروحت القاهرة لنادي الترسانة علشان يقبلوني وبعد كده أروح الأهلي وحلمي النادي الأهلي وبس وبقول يارب عاوز الأهلي وبس.
واستكمل أحمد شوبير، المدرب رفض يشوفني أول ما وصلت الترسانة بسبب الوصول متأخر وكنت أبكي وقولت يارب أنا عاوز النادي الأهلي وبس، ومصروفي في الأسبوع كان ربع جنية، وكان فيه لاعب اسمه رمضان القللي انتقل للأهلي وكنت أتواجد عند منزلة لمدة 15 يوم.
وأردف أحمد شوبير، رمضان القللي كان موجود عندي في البيت وقالي على الميعاد واستفلت الترينج وجزمة الكورة وكل حاجة ووأنا نازل التمرين قولت يارب أسترني، وآخر اختبار في الاهلي كنا 25 حارس مرمى وهيديكوتي قالهم الولد دا يمضي حالا في النادي الأهلي.
أحمد شوبير في الراديو 9090
وأشار أحمد شوبير، بعد اللي حصل من هيديكوتي حسيت أن كل الأبواب اتفتحت، وكنت ممكن أشتغل مدرس وسيبت كلية الشركة علشان الكورة ودخلت كلية، وبعد قرار هيديكوتي جريت على طنطا ومكنتش مصدق.
واختتم أحمد شوبير تصريحاته، كنت بحضن الناس في الشارع من فرحتي وبقولهم أنا روحت النادي الأهلي، ولما اتمرنت مع إكرامي كنت بحضن الناس وبقولهم أنا اتمرنت مع إكرامي، وأبواب السما كانت مفتوحة، وبحمد ربنا وبشكر فضله عليا، وأنا دايما راضي بكل حاجة وأنا أغنى الناس بفضل ربنا.
0 تعليق