مصر  في الوقت الحالي بتستهدف جذب استثمارات من كل دول العالم وخصوصا الدول الاتحاد الأوروبي.. ياتري اية اللي مصر بتعمله مع لجذب الاستثمارات الأوروبية لمصر.. ومصر مستهدفة توصل بالاستثمارات الأوروبية لكام.

جذب الاستثمارات ورؤوس الأموال الأجنبية هدف رئيسي واساسي للحكومة في الوقت الحالي، والحكومة علي مدار الـ3 سنين اللي فاتوا قدمت كل التحفيزات والتسهيلات لدخول الاستثمارات ورؤوس الأموال الأجنبية للسوق المصري سواء كانت تخصيص أراضي لاقامة وبناء المشروعات أو تسهيل اجراءات التراخيص للبناء والتشغيل.

الإجراءات اللي اخذتها الحكومة خلت السوق المصري هدف رئيسي للاستثمار الأجنبي، وده اللي خلي عدد الشركات الأجنبية الموجودة في واحدة من اهم المناطق الصناعية في مصر وهيا المنطقة الاقتصادية لقناة السويس ترتفع من 65 إلي 130 شركة، ده غير وجود 120 مصنع وشركة تحت الإنشاء هيتم الانتهاء مع نهاية 2025 أو الربع الأول من 2026 علي اقصي تقدير.

طيب اية حكاية الاستثمارات الأوروبية اللي الدولة مستهدفة دخولها للسوق المصري الفترة اللي جاية؟.
في الوقت الحالي في تعاون كبير بين مصر والاتحاد الأوروبي والتعاون ده وصل لحد الشراكة، والاتحاد الأوروبي أعلن عن تخصيص أكثر من 5 مليار دولار لمصر بسببب استضافتها لأكثر من 9 مليون لأجئ من عدد كبير من الدول حوالين العالم.

التعاون والشراكة بين مصر والاتحاد الأوروبي موقفش علي التعاون وتقديم الدعم المالي، ولكن توصل لتوقيع اتفاقيات بين الحكومة الأوروبية ومجلس الاتحاد الأوروبي، وفعلا مصر وقعت أكثر من 35 اتفاقية مختلفة بين الطرفين وصلت اجمالي بقيمة إجمالية وصلت لـ 70 مليار يورو  بما يعادل 75.63 مليار دولار.

الحكومة في الوقت الحالي بتستهدف استقطاب استثمارات مباشرة في مشروعات صناعية جديدة من دول الاتحاد الأوروبي بقيمة هتتجاوز 2 مليارَ دولار، وفي الفترة اللي فاتت الحكومة عملت اتصالات وزيارات خارجية مع عدد كبير من كبرى الشركات والمؤسسات الأوروبية بهدف تعزيز حركة التجارة،وجذب مختلف الاستثمارات الأوروبية للدخول للوسق المصري خصوصا في القطاع الصناعي، وفي مجالات تعزيز نفاذ الصادرات المصرية لأسواق القارة الأوروبية.

في الوقت الحالي بتوصل اجمالي حجم استثمارات دول الاتحاد الأوروبي في مصر لـ13.1 مليار دولار، بأجمالي عدد شركات بيتعدي 6928 شركة شغالة في عدد كبير من المجالات والقطاعات الصناعية في مصر.