الناس كلها مترقبة للاجتماع الجديد للجنة تسعير المواد البترولية.. ياتري الاجتماع ده هيكون امتي.. واية ابرز التوقعات عن النتائج اللي هتخرج عنه.. وهل اسعار البنزين والسولار هتزيد في الفترة اللي جاية بارقام كبيرة.

علي مدار 6 شهور كاملة الدولة المصرية مراعاة للأبعاد الاجتماعية ومراعاة للفئات محدودة ومتوسطة الدخل اعلنت عن تاجيل زيادة أسعار المحروقات زي البنزين والسولار لمدة 6 شهور كاملة بسبب الظروف الاقتصادية الصعبة اللي كان بيمر بيها المواطن المصري نتيجة الضغوط الجيوسياسية اللي كانت موجودة في منطقة الشرق الأوسط واللي كانت لها ابعاد اقتصادية صعبة علي المواطن والاقتصاد المصري.

طيب امتي لجنة تسعير المواد البترولية هتعقد اجتماعها الجديد واية ابرز توقعات القرارات اللي هتخرج عن الاجتماع؟.

كل الناس حاليا مترتقبة الاجتماع الجديد للجنة تسعير المواد البترولية الجديد واللي هيكون في شهر ابريل اللي جاي خصوصا أنه ده اول اجتماع للجنة في 2025 وجاي بعد 6 شهور كامين من أخر اجتماع للجنة واللي كان في شهر أكتوبر 2024، واللي اللجنة قررت فيه رفع أسعار البنزين بكل أنواعه والسولار للمرة الثالثة في 2024، بنسبة تروحت بين 7% و17%، وارتفع سعر بيع اللتر من البنزين 80 إلي 13.75 جنيه، وسعر بيع اللتر من البنزين 92 إلي 15.25 جنيه شامل الضريبة على القيمة المضافة، ودي كانت الزيادة الأبرز للجنة علي مدار اجتماعاتها اللي فاتت.

كل التوقعات بتأكد أن في موجة جديدة من الارتفاعات في أسعار الوقود بشكل عالمي هتحصل بداية من العاك الحالي، وده بسبب تنفيذ خطط الإصلاح الاقتصادي اللي الحكومة اتفقت عليها مع صندوق النقد الدولي، واللي بتهدف لرفع الدعم تدريجيا عن المحروقات حتى نهاية ديسمبر 2025.

توقعات الاسعار الجديدة للمحروقات اللي هتخرج عن اللجنة بتاكد أن فيه زيادة جديدة هتحصل في أسعار البنزين، بس الزيادة دي مش هتحصل قبل ما تنتهي الفترة الي حددها مجلس الوزراء واللي وصلت لـ6 شهور واللي هتنتهي في بداية أبريل 2025.

الزيادة الجديدة في اسعار البنزين والسولار واللي هتحصل في الأيام اللي جاية هتدخل في تحديدها أكثر من سبب أولهم التزام الحكومة بتوجيهات صندوق النقد الدولي وتاني سبب هو الارتفاع الطبيعي في أسعار النفط العالمية اللي بتأثر بشكل مباشر على الأسعار المحلية، وثالث سبب هو الارتفاع الطبيعي سعر صرف الدولار مقابل الجنية المصرية واللي بيلعب دورا أساسي في تحديد تكلفة استيراد المنتجات البترولية، وكل دي بنود لجنة تسعير المواد البترولية هتراعيها وقت ما تعقد اجتماعها في شهر ابريل اللي جاي لمناقشة الاسعار الجديدة للمحروقات في مصر وخصوصا اسعار البنزين والسولار وانبوبة البوتاجاز.

وزير المالية أحمد كوجك، أكد أن اسعار المحروقات هتخضع للمراجعة بناء على معدلات التضخم، وأن الحكومة دايما بتوفر بدائل لمساعدة المواطنين على تجاوز أي تأثيرات اقتصادية محتملة.