قال محمد رمضان المدير الرياضي للنادي الأهلي، أنه كان من أسرة فقيرة للغاية من إمبابة ووالده كان موظف أمن في شركة النجوم والدواجن وتم فصله ورقم البيت في الشارع كان رقم 68، ويستعرض موقع تحيا مصر تصريحات محمد رمضان.
تصريحات محمد رمضان
وأضاف محمد رمضان في تصريحاته في برنامج كلم ربنا على الراديو 9090، عندما تحدث أزمة لي في حياتي أتذكر رقم مهم وهو (10-22-44-68) وتفسير الرقم هو 68 رقم البيت و44 مساحة الشقة و2 الدور و2 جنية الإيجار و10 عدد الأسرة في الشقة، وأول ما بفتكر الماضي بكون راضي بالحاضر.
وأكمل محمد رمضان، ترتيب رقم 6 في العائلة وحياتي كانت معدمة تماما وكنت بلعب كورة على مراهنات وعمري ما حسيت بالأزمة الاقتصادية مع الأسرة، وكنت بكسب 20 قرش أو ربع جنية وكنت بلاعب العمال اللي شغالين في الورش وأكسبهم واخواتي لم يكملوا مرحلة التعليم وعندي أخ متطوع في الجيش وواحد في ورشة أحذية وعددنا 3 صبيان والباقي بنات.
وزاد محمد رمضان، لعبت مع نادي الترسانة في الثمانينيات وفيه مذيع سألني وقالي مين "الخل الوفي في حياتي" وردي كان ربنا وقولتله هو أنا هلاقي أكرم وأحن وأقرب من ربنا فين ومحدش هيبقى سندي غيره، والصديق مهما كان مخلصاً لابد أن يكون هناك تحفظ في التعامل في الألفاظ.
محمد رمضان المدير الرياضي للنادي الأهلي
وأشار محمد رمضان، كل 10 سنوات يكون هناك أصدقاء جدد ولكن الله هو الثابت الذي لا يتغير ووفقني في حياتي، والتحاقي بنادي الترسانة كان بتوفيق من ربنا وقبلها روحت الأهلي وفشلت وفي أول مباراة مع النادي سجل 6 أهداف وكسبنا 7/1 واختارني مصطفى رياض وقتها في فريق تحت 15 سنة.
واختتم محمد رمضان تصريحاته، سنة 1990 بعد كأس العالم محمود الجوهري قرر فتح الاحتراف والتوفيق كان مصاحبني وأنا صغير وانتقلت لصفوف الأهلي، وفي حياتي الخاصة استمريت لمدة 18 شهر في البيت من غير شغل وفيش أي دخل وفي الشهر الـ 17 مراتي قررت تبيع دهبها وكان معاها دبلة دهب وبس.
0 تعليق