حرصت الإعلامية بسمة وهبة على توجيه رسالة للمخرج محمد سامي وذلك بعد قراره باعتزال الاخراج التلفزيوني وسفره إلى الخارج لمدة عامين لتعلم شيء جديد، مطالبة منه أن يظل في مصر ويقدم المحتوى الذي يفضله الجمهور ويريده منه، بدلا من أن يتم استغلاله من دول الغرب.
رسالة بسمة وهبة لمحمد سامي بعد قرار اعتزاله
وقالت بسمة وهبة في فيديو رصده موقع تحيا مصر، قالت فيه: محمد انت مش هتسيب مصر ومش هتروح امريكا ولا هتسيب الإخراج، احنا هنا بلدنا هي اللي تستغلك وهي اللي ترتفع بيك، انت من أحسن المخرجين في مصر يا محمد وبعدين ما تعمل المحتوى اللي الناس عايزاه لكن تروح أمريكا وهما اللي ينتفعوا بيك، لا انت هتنفع مصر واحنا اللي هنستغلك ونرتفع بيك.
وتابعت بسمة وهبة حديثها، قائلة: أنا شوفتك من أول ما ابتديت وأعرف اهلك من واحنا صغيرين وشوفت بيتك وشوفت انت تعبت ازاي، انت عبقري ازاي تروح بلد تانية ياخدوا العبقرية دي!.. لا يا محمد وألف لا ربنا يهديك اقعد.
محمد سامي يعتزل الإخراج التلفزيوني
وكان الفنان محمد سامي قد أعلن اعتزاله الاخراج التلفزيوني وذلك في منشور كتبه عبر حسابه الرسمي بموقع فيسبوك، قال فيه: وداعا الدراما التلفزيونية.. السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة.
وتابع محمد سامي حديثه: معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم.
نجوم الفن يدعمون محمد سامي
بعدها خرج عدد كبير من نجوم الفن لدعم المخرج محمد سامي من بينهم الفنانة منة فضالي والفنان عمرو سعد والفنانة عفاف مصطفى والفنان ايهاب فهمي والفنان مدحت تيخا، والفنان تامر حسني ونجوم آخرين.
0 تعليق