مصر حاليا بتخزن الكهرباء لفصل الصيف اللي جاي وهتصدر الكميات اللي فايضة للدول الخارجية.. ياتري مصر هتعمل القصة دي ازاي.. وآية حكاية تخزين الكهرباء. 

تأمين الكهرباء لفصل الصيف اللي جاي خصوصا أن كل التوقعات بتقول أن هيكون فصل من أشد فصول السنة في درجات الحرارة علي مدار السنين اللي فاتت،  وبالتالي الأحمال الكهربائية اللي هتحتاجها الدولة للتغلب علي درجات الحرارة هتكون مرتفعة جدا، ولازم الحكومة توفر بدائل من دلوقتي علشان تواجه الأزمة اللي هتكون موجودة في فصل الصيف اللي جاي خصوصا أن الحكومة عندها التزام بعدم العودة لتطبيق خطة تخفيف الأحمال وقطع الكهرباء.

" title="حيلة غريبة لوقف انقطاع الكهربا في الصيف..الحكومة هتعمل إيه فى الملف الخطير؟" frameborder="0">

طيب إزاي الحكومة بتفكر تأمين الكهرباء لفصل الصيف اللي جاي ؟

الحكومة في الوقت الحالي شغالة علي 3 طرق لتأمين الكهرباء لفصل الصيف اللي جاي اول الطرق دي هو زيادة إنتاج الكهرباء من مصادر الطاقة المتجددة من الهواء والشمس وفعلا الدولة قدرت تنتج أكثر من 2 جيجاوات من الطاقات المتجددة وإضافتها علي الشبكة الموحدة للكهرباء، ولسه في عدد كبير من محطات التوليد الدولة لسه شغاله عليها لتأمين الكهرباء للمواطنين.

ثاني طريق الحكومة شغاله عليه وهو إدخال نظام بطاريات التخزين وده نظام الدولة بدأت تشغله ولأول مرة وده عبارة عن بطاريات لتخزين الكهرباء الفائضة علشان يعاد استخدامه في السنين اللي جاي ومن خلال الفكرة دي الدولة هتقدر توفر كميات كبيرة من التيار واللي بتكون فايضة عن الاستخدام في فصول الشتاء والربيع والخريف، وهيعاد استخدامها مرة تانية خلال فصل الشتاء.

تالت حاجة الحكومة شغاله عليها هو خطوط الربط الكهربائي ومصر حاليا بتنفيذ مشروع ربط مع السعودية وده هيكون بقدرة 3000 ميجاوات وهتبدأ المرحلة الأولى من التشغيل علي الخط في شهر مايو اللي جاي بقدرة 1500 ميجاوات وهتكون المرحلة التانية من التشغيل في شهر سبتمبر من 2025 وهتكون برضوا بقدرة 1500 ميجاوات وات وبكده هيكون مشروع الربط الكهربائي شغاله بكامل قوته مع نهاية السنة الحالية.