مصر دخلت وبقوة عالم تصنيع السيارات الكهربائية وبكل انواعها وعندنا خطة لتوطين صناعة السيارات في مصر.. ياتري ايي هيا أهداف الحكومة من توطين صناعة السيارات الكهربائية.. وهل مصر قادرة علي تصدير السيارات الكهربائية لكل دول العالم.
الفترة الرئاسية الجديدة للرئيس عبدالفتاح السيسي تستهدف توطين الصناعة المختلفة في مصر خصوصا الصناعات الثقيلة وأولهم صناعة السيارات بكل مشتملاتها خصوصا ان الفاتورة الاستيرادية لمصر من السيارات كانت كبيرة جدا خلال السنين اللي فاتت والفاتورة دي عملت أعباء إضافية علي الدولة لتوفير موارد دولارية لتلبية النقص اللي موجود في السوق المحلي.
في الوقت الحالي الحكومة عندها توجيهات رئاسية بخفض فاتورة الاستيراد وزيادة الصادرات المصرية من كل الانواع، وعلشان نقلل فاتورة الاستيراد كان لازم يكون عندنا انتاج محلي يكفي حاجة السوق المصري علشان نقفل حنفية الاستيراد وكمان يكون عندنا فائض للتصدير علشان نقدر نوفر عمل أجنبية وباب دولاري جديدة لمصر في الناتج القومي.
طيب إزاي الحكومة بتوطن صناعة السيارات في مصر بشكل عام وليه التركيز علي السيارات الكهربائية ؟
خلال الشهور اللي فاتت الحكومة وقعت علي أكثر من اتفاقية لدخول كبري الشركات العالميه المتخصصة في صناعة السيارات للسوق المصري والهدف من الشراكات هو تصنيع اغلب الأنواع اللي بيحتاجها السوق من ماركات السيارات وتوفيرها باسعار اقل من المستوردة من الخارج وكمان بجودة عالية زيها زي اللي بيتم تصنيعها خارجيا أو اعلي منها كمان.
الخطة الحكومية اللي الدولة بتنفذها حاليا قائمة علي زيادة نسبة الإنتاج المحلي في صناعة السيارات علشان توصل ل 70% ودي نسبة كويسة جدا، ده غير أن الدولة اخذت قرار بإهانة إحياء واحدة من أهم وأعرق الشركات العالمية في صناعة السيارات وهيا شركة النصر للسيارات واللي كانت علي مدار سنين طويلة واحدة من أهم الشركات اللي بتصنع السيارات في العالم كله.
التوجيهات اللي بتقوم بيها الحكومة دلوقتي بتستهدف كمان التوسع في صناعة السيارات الكهربائية خصوصا أن مصر عندها التزام دولي بالتوسع في الاستثمارات الخضراء والتحول للاقتصاد الاخضر، وتقليل الانبعاثات الكربونية وده بهدف الحفاظ على المناخ، والسيارات الكهربائية واحدة من أهم الأهداف اللي الحكومة بتستهدف التوسع في صناعتها خصوصا أنها هتكون رقم واحد من الطلب العالمي عليها خلال السنين اللي جاية.
0 تعليق