إيه مصير الدهب في الأيام الجاية وايه اللي بيحصل في السوق العالمية المعدن الأصفر وايه المفاجآة اللي قلبت الموازين في سوق الدهب وهل لسه المعدن الأصفر استثمار مربح.. شوف معانا التفاصيل في الفيديو ده خليكم معانا للآخر.

 
 
طبعا كلنا متابعين اللي بيحصل في سوق الدهب العالمي وازاي الأسعار بدأت تنزل بشكل كبير والتوقعات اللي قالت إن الدهب لسه هينزل تاني مع سياسة ترامب الجديدة واللي هتركز على تقوية الدولار وتجنب الإسراع في خفض الفائدة ودا معناه إن الدهب سعره هينزل لكن التوقعات دي يظهر مش أكيدة ودا اللي قاله بنكجولدمان ساكس العالمي واللي مشي عكس الاتجاه ونصح بشراء الدهب ومش كده وبس دا كمان توقع وصول سعر الأوقية  إلى 3000 دولار..

طيب مجموعة جولدمان ساكس استندت على ايه في توقعاتها الأخيرة .. شوف ياسيدي المجموعة المالية قالت ان الدهب سعره هيرجه يرتفع إلى مستوى قياسي السنة الجاية يعني في 2025 بفضل مشتريات البنوك المركزية واضطرار الفدرالي الأمريكي لخفض أسعار الفايدة في الولايات المتحدة، وأدرجت المعدن الأصفر ضمن أفضل تداولات السلع الأساسية لسنة 2025 وقالت إن الأسعار هتوسع مكاسبها خلال رئاسة دونالد ترامب وليس العكس.

محللين ماليين في المجموعة المالية الدولية نصحت المستثمرين بالذهاب الي الدهب وأكدوا أن سعر الأوقية هيوصل إلى 3000 دولار للأوقية بحلول ديسمبر 2025. وقالوا إن المحرك الهيكلي للتوقعات هو ارتفاع الطلب من البنوك المركزية، في حين أن الارتفاع الدوري هيجي من التدفقات إلى صناديق الاستثمار المتداولة مع خفض بنك الاحتياطي الفيدرالي.. يعني ايه الكلام دا؟.. شوف حضرتك دا معناه أن جولدمان ساكس راهن على ارتفاع مشتريات البنوك المركزية من المعدن الأصفر في ارتفاع الأسعار الفترة الجاية ودا مع استمرار الأزمات الاقتصادية والسياسية في مناطق كتير في العالم ودي عوامل ملهاش علاقة بالسياسة الاقتصادية لترامب وإن البنوك المركزية هتعزز مخزونها من الدهب في الفترة الجاية ومع زيادة الطلب السعر هيزيد في سنة 2055

وزي ما احنا عارفين إن أسعار الدهب  سجلت ارتفاعات قياسية متتالية في 2024  قبل ما يتراجع بعد فوز ترامب بالبيت الأبيض واللي عزز الدولار لكن في نفس الوقت توقع  جولدمان إن إدارة ترامب هتساعد في ارتفاع أسعار الذهب ودا بسبب  التصعيد غير المسبوق للتوترات التجارية خاصة مع الصين وروسيا والي ممكن ينعش المضاربة على الدهب ودا غير المخاوف المتزايدة بشأن الاستدامة المالية للولايات المتحدة  وان البنوك المركزية  وخاصة اللي بتحتفظ باحتياطيات كبيرة من سندات الخزانة الأميركية  واللي ممكن تختار شراء المزيد من المعدن النفيس.

وبخصوص اخر أسعار الدهب في المعاملات الفورية فوصل  2584 دولارا للأوقية (الأونصة)، بعدما بلغ ذروته فوق 2790 دولارا في الشهر الماضي.. وفي مصر طبعا اكيد هيكون فيه تأثير على السوق المصري لأنه زي اي سوق مرتبط بالدولار والسعر العالمي المعدن الأصفر لكن لازم ننبه على حاجة مهمة جدا وهي إن الدهب هيفضل من افضل الاستثمارات المتاحة ودا لأنه استثمار طويل الأجل وبيزيد قيمته مع مرور الوقت وكمان لو اتحققت توقعات جولدمان ساكس الدهب هيبقي الاستثمار الأمثل في الشهور الجاية.