خرجت الإعلامية ريهام سعيد لتعلق على جدل إطلالة الفنان محمد رمضان في حفله الأخيرة بمهرجان كوتشيلا في لوس أنجولس بالولايات المتحدة الأمريكية، موجهة رسالة للفنانين الذين يتصدرون التريند بسبب ازياءهم التي تشبه النساء.

ريهام سعيد تعلق على إطلالة محمد رمضان في حفل أمريكا 

وقالت ريهام سعيد خلال برنامجها صبايا الخير في تصريحات رصدها موقع تحيا مصر: أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة، وده مش حقيقي في مصر، لأن الناس بتقيم الفنانين بطريقة مختلفة، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده.

وتابعت ريهام سعيد حديثها: عايزة أوجه رسالة من القلب للفنانين اللي ابتدوا يعملوا حاجات فيها تشبه بالنساء، حتى لو شايفين إن دي حاجة الغرب بيعملها ياريت ماننشروش في مجتمعنا قدام شبابنا وأولادنا إحنا مش ناقصين، بلاش الحلق والشعر يتصبغ أصفر، ولو عايز تلبس حلقه إلبسه في حياتك الشخصية.

إطلالة محمد رمضان تضعه في أزمة 

وكان قد ظهر محمد رمضان في حفله الغنائي في أمريكا والذي أقيم يوم الاحد المنقضي في لوس أنجولس بمهرجان كوتشيلا بزي فرعوني شبهه الجمهور ببدلة الرقص وحصد على سخرية كبيرة وانتقادات من قبل الجمهور على مواقع التواصل الاجتماعي المختلفة، وأوضح مصمم الازياء محمد كمال في تصريحات رصدها موقع تحيا مصر: الإطلالة مش مثيرة للجدل، هي إطلالة مسيئة وخبيثة ولا تناسب المجتمع المصري والشرقي وجمهور محمد رمضان، وهو في الفترة الأخيرة كنجم بيحاول أنه يتصدر التريند، وهو اللي بدأ موضة الإطلالات الحريمي للرجال لما كان بيتعمد أنه يلبس البلوزات الشيفون بعدين عمرو سعد وأحمد سعد بدأوا، ياخدوا نفس الإتجاه.

وتابع: مقدرش أقول أن دي إطلالة غربية أو أخدناها من الثقافة الغربية لأن الإطلالات الغربية لها حدود بالنسبة للشباب هناك، مش بتوصل لأنهم يلبسوا ملابس حريمي داخلية في حفلة إلا إذا كان شـ.ـاذ، فالترويج لحاجة زي كدا لا يجب أنه يمر مرور الكرام، لازم يكون في رقابة أو جهة ما تتدخل لمنع نشر ثقافة زي دي معادية للثقافة في مصر، وعندي تخوفات إن الشباب يقلدوه عشان يتشهروا ولازم يحصل قرار رادع.

رد محمد رمضان على إطلالته الأخيرة 

وكان قد رد الفنان محمد رمضان جدل إطلالته في حفل أمريكا، قائلا: حق الرد على الإذاعة الإسرائيلية.. لبسي في كوتشيلا تصميم المصرية فريدة تيمراز والصدرية مستوحاه من تماثيل ملوك الفراعنة وصممتها بالعملة المصرية الفضة واضافة عليها كيب اسود فرعوني .. بس السؤال بأمانة يا إسرائيل كان غير موفق و زعلكم هل علم مصر في امريكا فرحكم؟!.