كشف محمد مجدي أفشة لاعب النادي الأهلي عن كواليس جديدة حدثت في مباراة نهائي القرن أمام نادي الزمالك، في المباراة الذي نجح خلالها نجم المارد الأحمر في تسجيل هدف حاسم خلال الدقائق الأخيرة من عمر المباراة بتسديدة رائعة سكنت شباك القلعة البيضاء.

وقال «أفشة» في حديثه عبر فيديو تم بثه على صفحة النادي الأهلي «فيسبوك»: «يوم الماتش لما صحيت من النوم مكنتش مصدق إن المباراة النهاردة، قلت يارب هنعمل إيه هنكسب ولا هنخسر مكنتش متخيل، وأنا فاكر وقتها أحمد الشيخ جالي يوم الماتش قالي أنا صليت الفجر وحاسس إنك هتجيب هدف، روحت حاضنه وقلت يارب نفسي، وكان توتر رهيب جدا».

أفشة: قلقنا بعد هدف الزمالك

وتابع: «بعد هدف التعادل للزمالك قلقنا جدا واتوترنا أكتر بين الشوطين، الكل كان ساكت، 3 بس اتكلموا منهم سعد سمير وقال لازم نتعب عشان نكسب وجالي اتكلم معايا، وقالي أنت لازم تكون فايق أكتر من كده وأنت اللي هتفرق معانا لو أنت كويس».