فئة كبيرة من موظفي الحكومة مستنية دلوقتي تصرف المرتبات، والمفاجأة بقى إنه مع صرف مرتبات شهر أكتوبر 2024، الحكومة قررت تصرف زيادة جديدة لبعض الفئات، والزيادة دي بتوصل ل 2000 جنيه. .. خلكيم معانا في الفيديو ده للآخر وهتعرفوا التفاصيل 
 

نقدر نقول، إن الزيادة الجديدة اللي هتتصرف دي هتكون بموافقة من مجلس الوزراء، في اجتماعه بتاريخ الخميس 22 أغسطس الماضي، وبالفعل تم التوافق عليها بين وزيري المالية، والتربية والتعليم والتعليم الفني، وهتكون بقيمة 2000 جنيه لمعلمين الحصة.

عشان كده، تقرر تحديد قيمة الحصة فوق النصاب القانوني للمعلمين المعينين اللي هيقوموا بالتدريس فوق النصاب، عشان تكون الحصة الوحدة بقيمة 50 جنيه بعد ما كانت 20 جنيه.

ومن المقرر إن القرار ده يتم تطبيق اعتبارًا من شهر أكتوبر الحالي 2024، ودي بيمثل خطوة إيجابية لتحسين دخل المعلمين وتحفيزهم على تقديم أداء أفضل.

وزير التربية والتعليم والتعليم الفني، محمد عبد اللطيف، سبق وقال إن الوزارة قامت بالعديد من الحلول الخاصة بأزمة سد العجز، وكان من بين الحلول دي، الاستعانة بالمعلمين التابعين للوزارة وده بيكون من خلال زيادة نصاب الحصص المقررة على المعلم.

وقال وزير التعليم كمان، إن أي معلم تابع للوزارة يمكن أن يضيف لنصابه عدد إضافي من الحصص إذا رغب في كده، على أن يتم زيادة 50 جنيه على مرتبه في كل حصة، ومن خلال الدراسة اللي اتعملت، فممكن للمعلم أن يضيف لمرتبه 2000 جنيه بدءا من مرتبات شهر أكتوبر.

الدكتور أيمن بهاء، نائب وزير التربية والتعليم لشؤون التعليم الفني، كمان أكد إن قرار مجلس الوزراء الخميس 22 أغسطس الماضي، بالموافقة على رفع قيمة الحصة للمعلمين سواء للعاملين أو للمتعاقدين بالحصة، يمثل زيادة كبيرة عن السنة اللي فاتت، وأكد كمان إنه بالنسبة للمعلمين المعينين بالفعل في مدارس وزارة التربية والتعليم، فأي معلم هيقوم بتدريس حصة زائدة عن نصابه الأسبوعي هيتم حسابها بقيمة 50 جنيه للحصة الواحدة.

يعني مثلا، معلم خبير نصابه 16 حصة أسبوعيا، لكنه يقوم بتدريس 24 حصة في الأسبوع، فله كل أسبوع 8 حصص زيادة عن النصاب أو حوالي 35 حصة زيادة شهريا، ودي بتساوي 1700 جنيه ذزيادة شهرية، قبل خصم الضرائب والاستقطاعات، خاصة أن المدرس متواجد بالفعل في مدرسته من غير انتقالات أو تحضير مواد دراسية مختلفة، وبالنسبة للمعلمين بالحصة فالزيادة دي بتمثل حوالي 66% من قيمة التعاقد.

ونقدر نقول كمان، إن كل ده بيجي كتنفيذ لتوجيهات الرئيس عبدالفتاح السيسي، اللي بيتابع كل ما يتعلق بالمواطن المصري وبيلمس معاناته مع موجة الغلاء التي أصابت جوانب الحياة ومستلزمات المعيشة، والرئيس بنفسه بيكلف الحكومة برفع العبء عن المواطنين وتحسين الأجور.

ووجه الرئيس السيسي الحكومة كمان، بمراجعة برنامج الإصلاح الإقتصادي مع صندوق النقد الدولي وده بيؤكد أن القيادة السياسية بتضع محدودي الدخل قدام عينها.

ومتوقع جدا في الأيام الجاية، إن تقوم بإصدار حزمة جديدة من قرارات الحماية الاجتماعية، زي  زيادة في المعاشات والأجور بالقطاعين العام والخاص، وتمديد جدول زيادة أسعار المحروقات عن الفترة المقررة له خلال الـ 6 شهور المقبلة.

وخلال ساعات، يقدر موظفي الحكومة أو الجهات الخاضعة للموازنة العامة للدولة والهيئات الاقتصادية والخدمية والمحلية، يصرفوا رواتبهم من أكثر من 58 وزارة وهيئة مستقلة وتابعة، خلال 4 أيام متصلة.

ووزارة المالية، قررت تحديد 4 أيام لصرف مرتبات شهر أكتوبر عشان تدي مساحات لتقليل الضغط علي ماكينات  ATM التابعة البنوك علي مستوي الجمهورية، وتدي الموظف كمان مرونة في الحصول على مستحقاته الشهرية، وتقلل الزحام على أماكن صرف المرتبات داخل للجهات الحكومية المختلفة.

أما عن أماكن صرف مرتبات شهر أكتوبر 2024، فأتاحت وزارة المالية  أماكن  كتير لصرف مرتبات شهر أكتوبر 2024، وهي ماكينات الصراف الآلي (ATM) في أي منطقة، وكمان فروع البنوك المختلفة، بالإضافة للبريد المصري.