واضح أن سنة 2025 هتكون سنة مختلفة علي المصريين خصوصا أن الحكومة مجهزة هدايا كتيرة للمواطنين وطبعا الهدايا دي اغلبها هيكون زيادات وفلوس جاية في الطريق.. ياتري اية هدايا الحكومة للمواطنين في 2025

مصر واحدة من الدول اللي التغيرات الجيوسياسية اللي بتحصل في عدد كبير من دول العالم وتحديدا في منطقة الشرق الأوسط لها تاثيرات مباشرة عليها، وللاسف التاثيرات دي اغلبها علي الجزء الاقتصادي، واثر علي الدخل الدولاري لمصر من الخارج، خصوصا في الدخل اللي بيدخل لمصر قناة السويس واللي تاثرت بنسبة اكثر من 60%، ده غير تاثر قطاع السياحة واللي كان بيستهدف تحقيق رقم قياسي جديد في حركة السياحة الوافدة، ده غير التاثير علي الاستثمار الاجنبي المباشر اللي جاي لمصر.
علي الرغم من كل الظروف الاقتصادية الصعبة اللي بتمر بيها مصر، ولكن في كل المرات اللي فاتت الحكومة اثبتت وبالدليل القاطع أنها في صف المواطن المصري البسيط، وكل ما الأمور تتأزم يكون في قرار جرئ من القيادة السياسية للحكومة بأعداد جزمة من الحماية الأجتماعية لمحدودي الدخل، علشان تخفف من تاثير الازمة الاقتصادية عليهم، ده غير التخفيضات اللي بتطرحها الحكومة علي الأسعار والمبادرات اللي بتدشنها الحكومة علي مدار شهور السنة لبيع السلع للمواطنين باسعار مخفضة .
طيب اية هيا مفأجات الحكومة للمواطنين في 2025؟.
الحكومة حاليا بتجهز أكثر من مفاجاة للمواطنين في 2025، وأولهم قرار الحكومة بزيادة قيمة منحة العمالة غير المنتظمة واللي بتهدف لدعم الفئات الأكثر احتياجا من العاملين في القطاعات غير الرسمية، والخطوة دي جاية في أطار تعزيز الحماية الاجتماعية للمواطنين وتوفير الدعم اللازم خصوصا في ظل الأوضاع الاقتصادية الصعبة اللي موجودة حاليا .
تاني هدايا الحكومة للمواطنين في 2025 هو زيادة المعاشات، والهيئة القومية للتأمين الاجتماعي اعلنت عن  زيادة الحد الأقصى للمعاش علشان يوصل لـ 11,600 جنيه بدلاً من 10,080 جنيه. وكمان هيتم رفع الحد الأدنى للمعاش للمستحقين واللي بتنتهي خدمتهم بداية من 1 يناير 2025  علشان يوصل لـ 1,495 جنيهًا بدلاً من 1,300 جنيه.
الهيئة القومية للتأمينات قررت كمان زيادة الحد الأدنى لأجر الاشتراك التأميني علشان يوصل لـ 2,300 جنيه بدلاً من 2,000 جنيه، وهيرتفع الحد الأقصى لأجر الاشتراك التأميني علشان يوصل لـ 14,500 جنيه بدلاً من 12,600 جنيه، بداية من أول شهر يناير اللي جاي .
قرار الهيئة القومية للتأمينات جاي في أطار خطة الدولة لتطبيق قانون التأمينات الاجتماعية والمعاشات رقم 148 لسنة 2019، واللي بيتضمن آلية سنوية لرفع الحدين الأقصي والادني لأول مرة في تاريخ الهيئة، وده هدف من أهداف الدولة المستمرة للإصلاح نظام التأمينات الاجتماعية، بهدف تحسين المعاشات للمؤمن عليهم وقت بلوغهم سن التقاعد أو في حالات استحقاق المعاش.
تالت هدايا الحكومة هيا قرار وزارة العمل بزيادة قيمة منحة العمالة غير المنتظمة من 500 إلى 1000 جنيه شهريًا، وهتكون البداية من منحة عيد الميلاد المجيد في يناير 2025.