قال الرئيس عبد الفتاح السيسي، إن «حكاية نصر أكتوبر هي حكاية ملهمة ولا تنتهي، والنصر الذي تحقق لم يكن نصرًا بسيطًا؛ فهو نصر وراءه إرادة شعب كامل رفض الهزيمة وتحدى نفسه وظروفه، وتحدى التحدي نفسه».

وأضاف، خلال احتفالية اتحاد القبائل العربية والعائلات المصرية بمناسبة ذكرى انتصارات أكتوبر باستاد العاصمة الإدارية الجديدة: «اللي انتوا بتشوفوه دلوقتي دا الظروف اللي بنعيشها بعد 67، وكل الناس والعالم و الخبراء والمهتمين بالمواضيع العسكرية والتحديات اللي كانت بتجابهها الدولة المصرية في الوقت دا خاصة على الصعيد العسكري، كانوا بيقولوا مستحيل، خط بارليف ومانع قناة السويس والتفوق الكبير، والمقارنة اللي كانت مش في صالحنا، كله كان بيقول مفيش فرصة نجاح، لكن الشعب المصري، رفض دا وأصر وتحدى نفسه وحقق الانتصار».

الرئيس السيسي: قادرون على هزيمة التحديات الراهنة بنفس روح أكتوبر 1973

وواصل الرئيس حديثه: «علشان كده الانتصار دا غالي أوي واتدفع فيه كتير من دماء المصريين، والسلام اتدفع فيه كتير أوي، وعلى رأسه الرئيس الراحل محمد أنور السادات دفع فيه كتير، دفع فيه حياته ودمه عشان فكرة كانت وقتها».

وقال الرئيس السيسي، «إننا قادرون على هزيمة التحديات الراهنة بنفس الروح التي انتصرنا بها في أكتوبر 1973».

الرئيس السيسي يشهد احتفالية اتحاد القبائل «حكايات الأبطال» بمناسبة ذكرى انتصار أكتوبر

 ويشهد الرئيس عبد الفتاح السيسي، احتفالية اتحاد القبائل العربية والعائلات المصرية بمناسبة ذكرى انتصارات أكتوبر باستاد العاصمة الإدارية الجديدة.

ويشارك حزب حماة الوطن، بحشود كبيرة في احتفالية ذكرى انتصارات حرب أكتوبر المجيدة، بتشريف الرئيس عبد الفتاح السيسي، والتي ينظمها اتحاد القبائل العربية والعائلات المصرية، باستاد العاصمة الإدارية الجديدة.

وحرص قيادات حماة الوطن، على عمل الترتيبات والتنسيق اللازم مع كافة الأمانات على مستوى الجمهورية، للمشاركة في هذا الحدث الاستثناني، في إطار احتفالات الحزب بالذكرى 51 لانتصارات أكتوبر المجيدة.

تابع أحدث الأخبار عبر