صناعة وتصدير الدواء واحد من كنوز مصر في الوقت الحالي، والدولة حاطة خطة كبيرة علشان توصل بصناعة الدواء لأرقام كبيرة... ياتري مصر مستهدفة توصل لكام في ملف صناعة الدواء.. واية هيا ابرز الاسواق المستهدفة لمصر

في الفترة اللي فاتت مصر كانت واحد من ابرز الدول في صناعة الدواء، خصوصا بسبب موقعها الجغرافي في قلب القارة الأفريقية واللي بتعد سوق واعد ومهم جدا لمصر بسبب أن في نسبة كبيرة من الدول الأفريقية بتعاني من الفقر والتأخر الصناعي والحضري، وعلشان كده أغلب دول أفريقيا في حاجة شديدة جدا للعلاج خصوصا أن الدول ده صعب جدا علي الأقل في الوقت الحالي أنها تدخل في عالم صناعة الدواء واللي بتعد صناعة معقدة وصعبة جدا ومتاجة مصانع وادوات ومواد خام وبنية تحتية صعب جدا علي الدول دي توصل لها ولسنين طويلة لقدام .

الأزمة اللي حصلت في مصر خلال الكام شهر واللي كانت بسبب نقص أنواع كتيرة من الأدوية في السوق المحلي خلت اغلب الشركات العاملة في مصر تحط خطة لتوفير المواد الخام اللي بتدخل في صناعة الدواء، خصوصا أن ازمة نقص الأدوية اللي حصلت في مصر كان سببها الاساسي نقص المواد الخام اللي بتدخل في صناعة الأدوية بسبب زيادة سعرها واللي حصل نتيجة فروق الأسعار العالمية بسبب تغير سعر الصرف في مصر .

بعد ما الحكومة في مصر تدخلت لحل أزمة نقصة الادوية في السوق المصري واللي بقت متاحة متوفرة الحكومة كملت خطتها ووفرت نسبة كبيرة من المواد الخام لشركات الادوية علشان الشركات دي تمارس شغلها الطبيعي في صناعة الأدوية، وفعلا السوق المحلي بقي متشبع بالادوية المطلوبة وبقي عندنا اكتفاء ذاتي من اغلب الانواع اللي بيحتاجها المواطن المصري، وبقي عندنا فائص كبير للتصدير، وده فتح شهية الحكومة علشان تستغل المراكز اللوجيستية اللي نفذتها الحكومة في السنين اللي فاتت علشان تصدر وتفتح اسواق جديدة في قارة أفريقيا، وبالتالي اغلب السوق الأفريقي واللي بالمناسبة كل دول العالم بتحاول تسيطر عليه بقي تحت سيطرة صناعة الدواء المصرية، خصوصا انه سوق في حاجة مستمرة ونقص للدواء، وفي دول كتير معاها موارد دولارية ولكن معندهمش الصناعة وبالتالي بيكون الاستيراد الحل الأمثل.

بعد حل ازمة نقص الأدوية واتجاه الشركات للتصدير للخارج، وصلت فاتورة مصر التصديرية للدواء الي اكثر من 150 مليون جنية في الكام شهر اللي كانوا بعد انتهاء وحل أزمة نقص الادوية في مصر، وبالتالي مصر في السنة دي حاطة امال كبيرة جدا علي صناعة الدواء علشان تكون مورد مهم لخزينة الدولة المصرية لتوفير الدولار، وبالتالي هتكون خطة الحكومة اللي بتعتمد علي تقليل الاستيراد وتشجيع الصادرات اتحققت خصوصا أن مصر حاليا عندها اكتفاء ذاتي من الادوية ومش محتاجة تستورد ادوية من الخارج وكمان بدأنا نصدر للخارج وبقي عندنا مورد من الدولار جاي من تصدير الادوية .