أسعار الذهب واحدة من اهم الحاجات اللي بتكون مرتبطة بالقرارات اللي بتخرج من اجتماعات لجنة السياسات النقدية بالبنك المركزي.. وكل الناس مترقبة الاجتماع اللي جاي والحاجات اللي هترتب عليه بخصوص اسعار الذهب.. ياتري اية توقعات اسعار الذهب قبل الاجتماع وهل أسعار الذهب هتنحفض الفترة اللي جاية.

الناس كلها حاليا مترقبة الاجتماع اللي جاية للجنة السياسات النقدية بالبنك المركزي، خصوصا أن ده أول اجتماع لها في 2025، واللي علي اساسه هتمشي الاسعار في الفترة اللي جاية بسبب أنه كل حاجة حاليا في مصر بقت مرتبطة باسعار الصرف.

طيب اجتماع لجنة السياسات النقدية بالبنك المركزي هيكون امتي؟.
البنك المركزي المصري حدد موعد الاجتماع الجديد للجنة السياسات النقدية البنك المركزي وقال أنه هيكون يوم 20 فبراير الجاري، وده أول اجتماع للجنة في 2025 علشان تناقش اسعار الفايدة علي الايداع والسحب بالبنوك، وده اجتماع دوري بيحصل كل 6 اسابيع.

خبراء الاقتصاد توقعوا أن لجنة السياسات النقدية بالبنك المركزي في اجتماعها الجديد اللي هيكون يوم 20 فبراير الحالي، تثبيت أسعار الفايدة، لسعرى عائد الإيداع والإقراض لليلة واحدة عند 27.25%، 28.25% على الترتيب. 

طيب اية سبب الاهتمام الكبير اللي موجود عند الناس بخصوص الاجتماع الجديد للجنة السياسات النقدية؟.
الاهتمام ده واخد اهتمام خاص من كل التاس لحاجتين مهمين أولهم أنه ده أول اجتماع في 2025، واللي علي اسعار هتحدد اسعار الفايدة في مصر، وطبعا الفايدة هيا اللي علي اسعار بتحدد اسعار كل جاجة في مصر خصوصا أن سعر الصرف حاليا هو المتحكم في كل حاجة في مصر، ولو ارتفع سعر الصرف الاسعار كلها بترتفع، ولو انخفض الاسعار كلها بتنخفض.

تاني حاجة عاطية اهتمام كبير للاجتماع اللي جاي للجنة السياسات النقدية بالبنك المركزي هو موعد رد شهادات الـ23.5 و27 % من بنكي مصر والبنك الأهلي، خصوصا أن كلها الناس مترقبة أمكانية صدور قرار بتخفيض اسعار الفايدة في مصر، وبالتالي الطلب علي الاستثمار بالشهادات هيقل والناس هتتجه للمجالات التانية اللي هيا اكثر رواجا في السوق زي العقارات والذهب.

طيب اية توقعات اسعار الذهب في مصر قبل اجتماع لجنة السياسات النقدية بالبنك المركزي؟.

الذهب في الوقت الحالي في مصر سعره في الطالع وكل يوم في زيادة، وعلي فكرة الزيادة دي مش بسبب الاجتماع المرتقب للجنة السياساة النقدية بالبنك المركزي، ولكن الزيادة دي سببها الأقبال الكبيرة من الناس علي محالات الصاغة لشراء الذهب، خصوصا أننا في مصر عندنا عادة هيا عمل حفلات الزفاف والخطوبة في المواسم وعلي الاعياد علشان نستغل التجمعات العائلية، وفي الفترة دي بيكون معدلات شراء الذهب بالمحلات مرتفع جدا خصوصا للناس اللي عايزة تشتري شبكة الفرح أو الخطوبة وده السبب الرئيسي في ارتفاع الاسعار خصوصا أن كل الخبراء توقعوا أن لجنة السياسات النقدية بالبنك المركزي تاخذ قرار بتثبيت اسعار الفايدة في اجتماعها اللي جاي.