حل الفنان أحمد جمال والفنانة فرح الموجي ضيوف على برنامج معكم والذي تقدمه الإعلامية منى الشاذلي على شاشة قنوات أون، وتحدث أحمد جمال خلال الحلقة عن تفاصيل ارتباطه بفرح الموجي وقصة حبهم.
أحمد جمال يكشف تفاصيل قصة حبه بفرح ع
وقال أحمد جمال في تصريحات رصدها موقع تحيا مصر: عرفت فرح وهي كبيرة ومكنتش أعرف أنها بتغني يعني مشوفتش ذا فويس كيدز انا اتخطفت منها وبعدين بدأت أشوف هي مخطوبة ولا اي، الحكاية بدأت أنه فيه صديق مشترك بينا كان عامل عزومة وبعدين أجلها وأما اتأجلت اتقابلنا في اليوم ده وانا خدت القرار وانا باكل ومش ببين الحاجات دي خالص.
لتتابع فرح الموجي الحديث، قائلة: عشان كدة اتفاجأت لما قالولي مكنتش متوقعة خالص مكنش فيه في بالي أي حاجة وبدأ يفتح كلام معايا واتصورنا مع بعض وبعدين طلب انستجرام وطلب الواتساب عشان الصور كتيرة واديته الرقم وأنا مش في دماغي .
أحمد جمال: عيشت فيلم عريس في جهة أمنية مع والد فرح الموجي
وتابع أحمد جمال الحديث: بعد ما خلصنا أكل سألت صحبي فرح مخطوبة اسأل واعرف عشان هخطبها ومحبتش اصطدم بحمادة الموجي على طول عشان احنا بينا أعمال مشتركة فقولت الموضوع يجي بطريقة أسلم.
واستكمل: عيشت فيلم عريس من جهة أمنية في أول أسبوعين روحت اتقدم فيهم لفرح الموجي، لتوضح فرح الموجي طبيعة والدها: بابا كان رافض يسمع فكرة الجواز دي خالص وكان بيقولنا لو اتجوزتوا هتقعدوا معايا في البيت.
خطوبة أحمد جمال وفرح الموجي
يذكر، أن أحمد جمال أعلن خطوبته على فرح الموجي في 20 يناير المنقضي حيث فاجأ الجمهور بمجموعة صور له رفقة فرح الموجي وعلق عليها، قائلا: حبيت أبتدي السنة الجديدة بخبر يفرحكم، و بشارككم فرحتي النهارده بخطوبتي أنا و فرح.. عقبالكم جميعاً.
وجدير بالذكر، أنه بدأت فرح الموجي تظهر في الدراما المصرية بعدما تألقت في تقديم تتر مسلسل تيتا زوزو بأغنية العيلة وهو عمل درامي قوي من بطولة النجوم إسعاد يونس ومحمود البزاوي، صلاح عبد الله، نور محمود، ندا موسى، إيناس كامل، سمر علام، أحمد عنان، وعدد كبير من الفنانين فضلا عن عدد من الشباب
0 تعليق