مصر عندها خطة أنها تتحول لمركز اقليمي لتبادل الطاقة، والخطة دي فيها بند أننا نتحكم في مصادر الطاقة لقارة أوروبا.. ياتري الحتة دي مصر بتفكر فيها أزاي.. وازاي مصر هتتحول لمركز اقليمي لتبادل الطاقة.
الاسس اللي حطتها الحكومة للنهوض بالاقتصاد المصري بتتضمن تحويل مصر لمركز اقليمي لتبادل الطاقة بين افريقيا وأسيا وأوروبا، ومصر هتكون حلقة الوصل في الطاقة بين الـ3 قارات، وهيا اللي هتكون اللاعب الرئيسي في مصادر الطاقة في العالم كله.
وعلشان مصر توصل لدفعها فالدولة حاليا شغالة علي أكثر من حاجة علشان تأمن وتخزن الطاقة لبيعها وقت ما تحتاج عن طريق حاجة جديدة اسمها بطاريات التخزين ودي الدولة هتقدر من خلالها تخزن الطاقة وتبيعها وقت ما تحتاج وللبلد اللي احنا عازينها وبالسعر اللي احنا عايزينه خصوصا أنها هتكون طاقة متخزينة ومش هتضطر نخلص منها زي ما كان بيحصل في السنين اللي فاتت واللي كانت الدولة بتضطر تتخلص من طاقات كهربائية زيادة بسبب عدم الحاجة ليها .
طيب ازي مصر هتتحكم في مصادر الطاقة في أوروبا؟.
أوروبا واسيا قارتين من اكثر قارات العالم استهلاكا للطاقة، وده بسبب أن أوروبا بتمتاز بالاستهلاك العالي للطاقة لتشغيل الأنشطة التجارية والصناعية اللي موجودة هناك ومنتشرة بقوة، وأما بالنسبة لدولة قارة أسيا فيها برضوا لتشغيل الأنشطة التجارية والصناعية في عدد من الدول الصناعية الموجودة في القارة زي الصين، ده غير دول مجلس التعاون الخليجي واللي محتاجين الكهرباء علشان يقدروا يتعايشوا مع درجات الحرارة المرتفعة هناك خصوصا ان عدد كبير من دول الخليج عندها أزمة في توليد الكهرباء وتوفير الطاقة الكافية لراحة ورفاهية شعوبها .
وعلشان مصر توصل لهدفها وانها تتحول لمركز اقليمي لتبادل الطاقة، فمصر بدأت من فترة طويلة في انشاء خطوط ربط كهربائي مع عدد من دول قارة أوروبا وأول الخطوط دي كانت مع اليونان وبعدها دخلت قبرص، والدولتين دول مصر شغالة عليهم علشان يكونوا بوابة مصر لتصدير الكهرباء لدول القارة الأوربية، وتقدر من خلالهم أنها تتحكم في الطاقة في أوروبا بشكل كامل، ده مشروع الربط الكهربائي المصري السعودي واللي مصر هتتحكم من خلاله في الطاقة لقارة أسيا، ومشروعات الربط الكهربائي في دول قارة أفريقيا عن طريق ليبيا والسودان واللي هيكونوا بوابة مصر للتصدير لكل دول القارة السمراء.
0 تعليق