هي إيه قصة المنطقة اللوجيستية البرازيلية اللي هتتعمل قريب في قناة السويس، إيه هي المكاسب الاقتصادية للمشروع ده، وليه ببتطبق في الوقت ده بالذات، وهتبقى شغالة في أي نشاط؟
في الأيام الأخيرة، المكتب الإقليمي للغرفة التجارية العربية البرازيلية في القاهرة، استضاف أولى الجلسات التحضرية لمناقشة إنشاء منطقة لوجستية برازيلية بالمنطقة الاقتصادية لقناة السويس، واللي هيكون مشروع اقتصادي جديد بيجسد قوة العلاقات الاقتصادية بين البلدين.
وواضح كده إن المشروع ده هيكون نقطة تحول في العلاقات التجارية بين مصر والبرازيل، ومش بس كده ده هيساهم كمان في زيادة التبادل التجاري لمعدلات غير مسبوقة.
ونقدر نقول إن المنطقة اللوجستية دي هتوفر المنتجات البرازيلية في مصر ، زي السكر والذرة والصويا والسمسم، كمان هتعزز من فرص إعادة تصديرها إلى الأسواق المجاورة.
ولو بصينا لحجم التبادل التجاري للمنتجات البرازيلية، فمثلا الدول العربية كانت بتعتمد بنسبة 90 % على توفير احتياجاتها من السمسم على السودان ومع الأزمة هناك، بقى من الضروري البحث عن بدايل، وكانت البرازيل البديل المناسب، والسبب ده خلا المنطقة اللوجستية فرصة مهمة لتوفير احتياجات العرب وافريقيا بشكل عاجل.
وحاليا، في اتفاقيات تجارة حرة بين مصر والبرازيل، واللي لسه لم تُستغل بالشكل الأمثل منذ توقيعها عام 2017، عشان كده تم التركيز على المنتجات ذات القيمة المضافة، زي الذرة والصويا ومواد التعبئة والتغليف، لتحقيق أقصى استفادة من الاتفاقيات دي.
كمان، في توجيهات من الحكومة البرازيلية، بضرورة تعزيز العلاقات الاقتصادية والتجارية والاستثمارية مع مصر، وسفارة البرازيل بالقاهرة أكدت على تقديم كافة أوجه الدعم السياسي والفني لإنجاح المشروع ده، عشان كده تم عقد سلسة من الإجتماعات لمعرفة المزيد من تفاصيل التنفيذ والاستفادة المشتركة للبلدين.
ونقدر نقول كمان إن المشروع ده هيعزز العلاقات بين مصر والبرازيل واللي هي في الأساس علاقات تاريخية، خاصة وإن في تنسيق دائم بين البلدين في كل المجالات.
أما عن إقامة المنطقة اللوجستية للبرازيل، فهيتم البناء عليها لإقامة صناعات ذات قيمة مضافة، خاصة وإن المنطقة الاقتصادية لقناه السويس جذبت بالفعل استثمارات من العديد من كل دول العالم.
0 تعليق