الإثنين، 03 مارس 2025 05:17 م 3/3/2025 5:17:46 PM

أجاب الدكتور علي جمعة، عضو هيئة كبار العلماء، على سؤال ورد إليه من فتاة صغيرة نصه: لو اتنين بيحبوا بعض والأهل عارفين لكن بيتحكم فيها وعايز يغير من شخصيتها؟

وقال خلال تصريحات تليفزيونية: تسمع كلام أبوها، لأن أبوها اللي لسه بيصرف عليها، فتسمع كلام الصغير ده ليه، ده فاسد، إنما هو بيقول لي أنا والله شعرت بحب تجاه البنت دي قلت له طب الله يخليك ومنخلهش مستور، قال أنا أتكسف، قلت له خلاص اكتمه ما تقعدش بقى تشاغلها وتشاغل بالها، ولا هي تشغلك وتشغل بالك في الخفاء.

وأضاف: كان عندنا في الفلاحين يقولوا الحجرة المدارية تكسر المحرات، المحرات الآلة اللي بتحرت الأرض علشان نعمل فيها الزرع، لو إنها واجهت تحت الأرض حاجة مدارية النصل يتكسر، فالمدارية تكسر المحرات لكن فوق الأرض فالراجل الي سايق شايفها فيحاول يبعد عنها.

وواصل: أبويا عارف وأمي عارفة وبعدين بس هو قابلني في السكة كده فقال لي ما تيجي ندخل الفيلم الجديد اللي نازل، ده استعباط يعني وفي الآخر نقول يا ريت اللي جرى مكان فهو غلطان وهي غلطانة، الصداقة بالعفاف بالمعلومية بالإشراف لكن لمن الطاعة، لمن أنفق، والكلام بسيط جدا على فكرة سهل جدا، إنما اللي مش سهل، إن إحنا مكسوفين، خايفين مشعارفين نطلع مشاعرنا بالطريقة الصحيحة، لأن إحنا عندنا شهوة مش عندنا حب فكل الحاجات دي تؤدي للمصايب.

وتابع: يلا بنا ننتقل من حالة الخفاء والظلام إلى حالة النور والإشراف.. هل كده يرضي الله ورسول؟.. طلع حرام بقى، ابن حجر العسقلاني أمير المؤمنين في الحديث، كان ليه 52 شيخة طب كانوا بيقرأ عليهم إزاي، يروح لهم الأزهر ويدرس عليهم علشان يقرأ الكتاب ويتعلمه ويعلمه، وتلميذ اسمه السخاوي كان له 52 شيخة، طب أنا لي كم شيخة؟، ولا شيخة، فإيه اللي حصل المرأة راحت فين؟