مصر في الفترة الحالية عندها تحدي مهم جدا وهو تحقيق الإيرادات اللي كانت بتحققها قناة السويس في السنين اللي فاتت.. ياتري مصر هتوصل للمعادلة دي ازاي.. ومصر مستهدفة كام كايرادات من القناة السنة دي.
في الفترة اللي فاتت اغلب مصادر الدخل القومي المصري من الدولار للاسف كانت مش بتحقق الارقام المطلوبة منها وده بسبب التوترات السياسية اللي كانت موجودة في المنطقة العربية، واللي أثرت علي اغلب مصادر مصر من النقد الأجنبي واول مصدر واهم مصدر أتأثر بالتوترات دي كانت هيا قناه السويس واللي للاسف في الفترة اللي فاتت وصل معدل خسائرها لأكثر من 70% من الارقام اللي كانت بتحققها القناة في السنين اللي فاتت.
التأثير الكبير اللي عملته التوترات السياسية على مصادر الدخل الدولارية لمصر خلت الحكومة بدأ تفكر ازاي تعوض النقص اللي حصل ده وبدأت الدولة تفكر في أحياء قطاعات دي كتيرة ماكنتش لها دور في الناتج القومي، وكمان نحط استراتيجية حكومية لإحياء قطاع الصناعة ونقدم تسهيلات كبيرة لرؤوس الأموال الأجنبية غلس تدخل السوق المصري، وده بهدف تعظيم التصنيع المحلي وزيادة الصادرات المصرية للخارج .
طيب اية اللي بتعمله الدولة حاليا في قناة السويس؟.
الأمور حاليا في المنطقة العربية بدأت تعود لطبيعتها بشكل كبير ، وكمان الحكومة بدأت تجهز نفسها علشان تحي مصادرها للدخل القومي المصري واهمهم واولهم هيا قناة السويس وبدأت الهيئة القناة في القيام بحملة تطوير واسعة علي طول مجري القناة وكمان تعمل تكريك المجري لمنع حدوث أي جنوح للسفن علي طول مجري القناة، واللي بيؤدي لتعطيل حركة العبور بالقناة .
مش كده بس لا ده كمان هيئة قناة السويس بدأت تستعد لعودة حركة المرور والعبور الملاحي بالقناة بنشر القاطرات البحرية الموجودة عندها لمساعدة السفن الكبيرة في العبور علي طول خط القناة وده بسبب ان فيه بعض السفن ممكن العوامل الجوية والرياح يعرضها لجنوح والقاطرات دي بتشد السفن لحد ما تخرج تماما برا القناة.
الحكومة متوقعة أن حركة الملاحة البحرية بالقناة ترجع لطبيعتها مع نهاية الربع الأول من 2025، وفعلا في الفترة اللي فاتت القناة شهدت عبور عدد كبير من السفن البحرية والتجارية واللي كانت بقاها مدة طويلة معملتش اي عبور من خلال القناة.
0 تعليق