تحدث الرئيس عبدالفتاح السيسي، عن موضوع الحضانات داخل الدولة المصرية، قائلًا: "لما جينا نتكلم فى الموضوع ده من 3 -  4 سنوات.. كان العدد الموجود أقل من كده بكتير.. ولازم نعترف إن النمو السكاني بتاعنا مش بيخلينا نقدم أفضل خدمة فى أي مجال من المجالات سواء تعليم أو صحة بما فيها الحضانات".

تصريحات الرئيس السيسي 

وأضاف الرئيس السيسي، خلال لقاء المرأة المصرية والأم المثالية: "قولنا ساعتها نقلل من حاجتين.. الشروط المطلوبة للحضانات بما أن مفيش خالص أو عندي حاجة كويسة.. وقولنا يبقي عندنا حاجات ممكن تتطور بعد كده من خلال الإشراف والتعامل بتاعها".

وتابع الرئيس السيسي: "لما فكرنا فى المدارس الابتدائية وقولنا أنه يكون قبل المرحلة الابتدائية فيه فصلين للحضانة من أجل زيادة العدد.. وندي فرصة أيضا للمدارس من خلال الانتشار الجغرافي أن تحقق المطلوب ونساعد المرأة سواء المعيلة أو المرأة التي ترغب فى إرسال أبنائها للحضانة أو الإعداد لصالح التعليم.. عندنا أكثر من 50 ألف مدرسة وقلنا لو حطينا فى كل مدرسة فصل أو 2 هيكون عندنا من 50 -60 ألف حضانة وده اللى اشتغلنا عليه من حوالي 4 سنوات وأتمني أن لو فيه أفكار أخرى نشتغل عليه".

تابع أحدث الأخبار عبر