هي شركة هاليبرتون الأميركية ناوية تعمل ايه في مصر .. وايه حكاية المشروعات اللي هتقلب سوق البترول والغاز في مصر.. وايه حكاية التنقيب في المياه العميقة وليه هتصخ ملايين الدولارات الأيام الجاية في السوق المصري.. خليكم معانا للآخر وهتعرفوا التفاصيل في الفيديو ده

الحكومة المصرية في الفترة الأخيرة قدمت حوافز ضخمة للشركات الأجنبية في قطاع التنقيب عن البترول والغاز في مصر لتعويض نقص الإنتاج اللي حاصل في الفترة الأخيرة وكلف الدولة مليارات الدولارات من استيراد المواد البترولية لضمان تشغيل محطات الكهرباء..

من بين الشركات اللي شغالة في مصر فيه عملاق أمريكي اسمه  هاليبرتون الأميركية ودي شركة ضخمة وليها مشروعات كبيرة في مصر ودلوقتي شغالة يا سيدي على تجهيز 4 آبار الإنتاج الغاز الطبيعي في المياه العميقة المصرية بنهاية نوفمبر اللي جاي لتعزيز قدرات إنتاج الغاز.

وحسب البيانات هاليبرتون انتهت دلوقتي من أعمال حفر بئر واحدة ووضعها على مرحلة الإنتاج ضمن المرحلة العاشرة بمشروع "البرلس" بامتياز غرب الدلتا للمياه العميقة في مصر، ويجري تجهيز بئرين آخريين، ودا اللي نشره موقع العربية.

ومش كده وبسا كمان الشركة خلال الأسبوع الحالي هتنتهس من أعمال البئر التانية بالمرحلة العاشرة للبرلس، وهتخلص تجهيز البئر التالتة بنهاية نوفمبر اللي جاي.. يعني بنتكلم عن مشروعات هتتحط على خط الانتاج على طول في مدة قصيرة جدا وضخ الغاز  في الشبكة القومية وخطوط الأنابيب ومستهدف حسب بيانات مسؤولي الشركة من المشروعات الجديدة في المنطقة ضخ بين 150 إلى 200 مليون قدم مكعبة من الغاز يوميًا تضاف إلى الإنتاج الحالي من المشروع.

وحسب بيان رسمي لوزارة البترول المصرية في يوليو اللي فات رئيس شركة رشيد للبترول، محمد سمير،  قال إن إجمالي الاستثمارات اللي تم ضخها من خلال الشركاء (شل - بتروناس) في مشروعات تنمية حقول غرب الدلتا للمياه العميقة ومشروع مصنع إسالة الغازات بإدكو منذ بدايتهما تجاوز 20 مليار دولار لغاية دلوقتى وقال ساعتها رئيس الشركة إن هاليبرتون ناوية تجهيز بئرين جديدتين لإنتاج الغاز الطبيعي من حقل ريفين غرب دلتا النيل البحرية والتابع لشركة "بي بي" خلال نوفمبر.

وقال إن الشركة الأميركية انتهت من أعمال الحفر بالبئرين وتتولى "هاليبرتون" إنزال الأنابيب استعدادا لبدء الإنتاج الغاز في الفترة الجاية  ضمن خطة أعمال تنمية موارد الغاز الطبيعي بالحقل المُنتج في البحر المتوسط وحسب  نادر زكي، الرئيس الإقليمي للشرق الأوسط وشمال إفريقيا لشركة "بي بي"  الشركة بتستهدف زيادة إنتاج الغاز 200 مليون قدم مكعبة يوميًا من حقل ريفين.

زكي كشف كمان ان فيه حفار دلوقتي للشركة في منطقة البحر المتوسط شغال على برنامجين الأول زيادة إنتاج حقل ريفين، والتاني للاستكشاف، بتكلفة استثمارية تقدر 800 مليون دولار والبير وقال إن النتائج مبشرة وقوية.
خلاصة اللي بيحصل في قطاع البترول والغاز والتنقيب بيقول إن مصر راجعة قريب جدا للاكتفاء الذاتي من المواد البترولية وكمان هترجع تصدر تاني ودا اللي بتقوله مشروعات التنقيب عن البترول والغاز في مناطق الدلتا وخليج السويس وكمان في مناطق امتياز حقل ظهر في البحر المتوسط وطبعا اي اكتشاف جديد في قطاع البترول والغاز معناه توفير عملة صعبة للبلد وزيادة الاحتياطي من الطاقة.