أثار الفنان سامح حسين، جدلًا واسعًا بين متابعيه بعد تصريحاته خلال مشاركته في احتفالية عيد الفطر 2025، والتي أقيمت بحضور الرئيس عبد الفتاح السيسي وأبناء الشهداء المصريين من الجيش والشرطة.
وقال سامح حسين: “مصر فيها حاجات حلوة كتير أوي، ومن ضمنها أنك مش محتاج مناسبة معينة عشان تسمع جملة كل سنة وأنت طيب، وتقدر تقولها أمام أي حد، ولو صغر دماغه معاك مش هتغلب وهتلاقي مناسبة، وإحنا شعب بيحب الحياة والاحتفالات”.
وأضاف: “إحنا شعب أبهر العالم بقدرته العجيبة على الضحك في أصعب المواقف وربنا خلقنا كده بنحب الضحك والفرحة، والعيد فرحة، ويا رب يكتر أفراحنا، بس مش ضروري نأخذ كل الأعياد دي إجازات وورانا شغل كتير أوي”.
وفي تصريح جديد، قال سامح اليوم عبر صفحته الرسمية على “فيسبوك”: “جمهوري الحبيب، كل سنة وأنتم طيبين وبخير، بناء على طلبكم والناس اللي طلبت تفسير لموضوع إني بطالب بإلغاء الأجازات في الأعياد، الكلام ده طبعا غير حقيقي بالمرة”.
وتابع: “أنا زيكم بحب الأجازة وبحب زيكم أشتغل بإخلاص زي كل واحد في مجاله، الأجازة دي نعمة من ربنا نشحن من خلالها قوتنا لمواصلة مشوار الحياة، كل الموضوع إني اتمنيت إن أعياد مصر وأفراحها تزيد وتكتر وساعتها مش لازم ناخد الأعياد الجديدة دي كلها أجازة، لكني لم أقصد أبدا إلغاء الإجازات الرسمية”.
واستكمل سامح: “وعلى فكرة إحنا بنحب الأجازة علشان بنشتغل، أي حد جرب قلة الشغل مش هيحب الأجازة، الشغل نعمة ربنا يديمها علينا ويعين كل واحد على حاله ويكرمنا جميعا ويرزقنا الخير، يا رب حياتكم تكون كلها أعياد وفرحة”.
0 تعليق