التكنولوجيا في مصر كل يوم فيها جديد، والنهاردة اللي هنتكلم عليه هي العرييات الكهربائية.. الموضوع جد مش هزار..

شوف بقى وزارة الصناعة والتعليم العالي والبحث العلمي في مصر اعلنت إنها هتعمل عربيات كهربائية منخفضة السرعة وهيكون اسمها EV-Tech.
مصر بدأت فعلا في المشروع وهتنتج أول 100 عربية في المنطقة الصناعية في التجمع الخامس، ونسبة المكون المحلي في العربيات دي هيكون 60 % تقريبا.
ومش بس كده ده خلال 3 سنين النسبة هتزيد لـ 83% 
والفترة الجايه هيكون فيه تعاون بين وزارة الصناعة والتعليم العالي عشان ينتجوا حاجات جديدة ويحصل تنمية اقتصادية بشكل مختلف قبل نهاية 2024.
وأول حاجة هيكون عليها اهتمام الفترة الجاية هي ترشيد استهلاك الطاقة وتوفير الوقود والطاقة كمان.
مستنين نعرف رأيكم هل ممكن تفكر تستخدم العربيات الكهربائية وشايف إنها حل مناسب لحل مشكلة الوقود ولالا..
قولولنا رأيكم في الكومنتات..