ناس كتير بتشكي من الانترنت في مصر، والناس كلها بتقول الانترنت وحش والخدمات مش محملة، بس حاليا الدولة اخدت قرار هيخلي خدمات الانترنت في مصر في حتة تانية خالص.. لو عايز تعرف ده امتي وازاي شوف الفيديو ده للاخر.

شكاوي كتير بنشوفها كل يوم علي خدمات الانترنت في مصر، كل يوم كلام أن الحكومة بترفع الأسعار على الناس في باقات الإنترنت وان الخدمة مش شغالة، ولو موجودة بتكون للاسف بطيئة جدا، وللاسف الموضوع ده بقي منتشر تماما علي الرغم من الخطوات اللي قامت بيها الحكومة وشركات الاتصالات علشان تقدم خدمة متميزة للمواطن اللي بيدفع فلوس علشان يحصل علي خدمة حلوة ومميزة .

طيب اية اللي هتعمله الحكومة علشان تجدد خدمات الانترنت وتخليها مميزة للمواطن المصري؟.
الجهاز القومي لتنظيم الاتصالات، اعلنت عن إطلاق تقنية الواي فاي الجديدة واللي بتوصل لـ 4 أضعاف بالسوق المصري، واللي بتعد من أحدث التقنيات الرقمية في مجال الاتصالات، وده بهدف تعزيز وتلبية احتياجات مستخدمي الإنترنت وتقنية الواي فاي في مصر .
الجهاز القومي لتنظيم الاتصالات قال أن الخدمة الجديدة هتكون نقلة نوعية بجودة خدمات الإنترنت وتحسين تجربة المستخدمين وهتوفر سرعات أعلى وزمن استجابة أقل وكفاءة أكبر في استخدام الشبكات اللاسلكية، وهتكون اكثر قدرة على استيعاب أكبر عدد من المستخدمين بشبكات الانترنت الداخلية.
مش كده بسن لا ده كمان الجهاز طرح عدد من الخدمات والتراخيص الجديدة في السوق المصرية زي خدمات الجيل الخامس للتليفون المحمول، ده غير إصدار تراخيص مراكز الاتصال وإتاحة خاصية إظهار المكالمات الترويجية الازعاجية، بده غير إطلاق خدمات الانترنت وخدمات مراكز البيانات والحوسبة السحابية، اللي بتستهدف استثمارات هتوصل لـ 5 مليار دولار في السنين اللي جاية.

جهاز تنظيم الاتصالات في الفترة اللي فاتت اشتغل وبكل قوة علي تحسين جودة الخدمة ورفع كفاءة منظومات القياس ومراقبة الطيف الترددي ده غير التوسع في إنشاء محطات المحمول واستحدث آلية جديدة لتحفيز شركات المحمول لزيادة استثماراتها في البنية الأساسية.
الجهاز في الفترة اعلن كمان عن تمويل مجموعة من المشروعات القومية زي مشروع تغطية الريف المصري ومناطق الاستصلاح الزراعي والمشروع القومي لتغطية الطرق الرئيسية بإجمالي استثمارات وصلت لـ 4.8 مليار جنيه لتغطية 1441 قرية و103 منطقة جغرافية، و82 طريق، ده غير توقيع عقود شراكة مع الاتحاد الدولي للاتصالات في مجال تطوير البنية الأساسية بالمدن والمجتمعات الذكية؛ وتم اختيار مصر كأول دولة يتم فيها تنفيذ مشروع اعتماد كود تصميم وإنشاء البنية الأساسية للاتصالات للمدن والمجتمعات الذكية المستدامة.