أكتر من 47 مليون مواطن مصري عندهم حساب في البنوك المختلفة أو البريد حسب بيانات البنك المركزي المصري ومع زيادة عدد العملاء، بتظهر طرق كتيرة لاختراق حسابك البنكي أو سرقته، عشان ياخدوا فلوسك.

وأول طريقة بيلجأ لها العصابات دي هي الرسايل الاحتيالية على التليفون المحمول، واللي بتكون شبيهه لرسائل البنوك، ولكنها خطر كبير قد ممكن يخليك تخسر كب رصيدك البنكي بالكامل.

الدليل على كده، اللي قالته شركة ESET، بتعرضها لهجوم إلكتروني استهدف مالكي هواتف أندرويد، عن طريق استخدام برمجيات ضارة اسمها NGate، عشان تسرق بيانات البنك الخاصة بالشخص، ومن ثم سحب فلوس الحساب البنكي، وبيعتمد البرنامج ده على إرسال رسالة إلكترونية أو نصية للضحية، بتظهر فيها صفحة ويب شبيهة بواجهة البنك الرسمي أو رسائل للفوز بجوايز، وبمجرد الدخول عليها بيطلب البرنامج من المستخدم إدخال بياناته البنكية، والرسالة دي بتسحب رصيدك في البنك بالكامل، فإياك تضغط عليها واحذفها فورا .

والرسالة دي، بتبقى بياناتها تعرف اسم العميل البنكي، وتاريخ الميلاد، ورمز PIN الخاص بالبطاقة، وتفعيل خاصية NFC ومسح البطاقة، ولما تدخل البيانات دي بيبدأ مسح البطاقة، فبيقوم الشخص أو البرنامج  المخترق نقل معلومات البطاقة البنكية إلى جهازه الخاص واستخدامها بسهولة لسحب العلوي من حسابك بشكل مباشر.

ومن الطرق الاحتيالية الشائعة اللي بيستخدمها الهاكرز، إرسال رسائل نصية أو إلكترونية بتدعي أنك فزت بجائزة مالية مغرية، وبتطلب منك إدخال بياناتك الشخصية أو الضغط على رابط، والرسايل دي بتعتبر وسيلة لسرقة معلومات حسابك البنكي من خلال رابط خبيث بيسهل للمخترقين اختراق جهازك وسرقة بياناتك، ومن هنا يسرق فلوسك.

عشان كده، هنقدملك شوية نصايح  للوقاية من عمليات الاحتيال وسرقة حسابك البنكي، واللي أولها عدم مشاركة البيانات او تعديلها إلا من خلاال فرع البنك، وياريت ماتستخدمش شبكات الإنترنت العامة غير الآمنة، والاعتماد على الشبكات الموثوقة فقط، كمان ياريت ماتفتحش الرسايل أو الروابط المشبوهة، واللي غالبًا بتحتوي على الرسائل الاحتيالية، وإياك تشارك الأرقام السرية بتاعتك تحت أي ظرف

كمان، ماتشاركش أرقام الفيزا بتاعتك مع أي جهة غير موثوقة، وحاول تأمن تليفونك كويس مم البرمجيات الضارة اللي بتستخدم في عمليات اختراق حسابك البنكي.

وأخيرا، ماتحملش برامج مش معروفة على تليفونك، لأنها ممكن تكون برامج خييثة، عاملها هاكرز عشان يسرقوك، ولو تعرضت لكده ماتنساش تتواصل فورا مع أحد ممثلي خدمة العملاء في البنك الخاص بيك او اللي بتتتعامل معاه، وتقولهم إن جهازك اتعرض للاختراق، عشان تحفظ فلوسك وماتكونش ضحية لهاكرز الحسابات البنكية واللي هاتخسرك كل فلوسك، فخلي بالك كويس.