استضافت الإعلامية إنجي علي، عبر برنامج «أسرار النجوم»، على «نجوم إف إم»، الفنانة إيمان العاصي، للحديث عن مسلسها برغم القانون الذي يعرض حالياً على قناةON ، وللحديث عن أعمالها القادمة، وتفاصيل عن حياتها الفنية والشخصية.
في برنامج أسرار النجوم :إيمان العاصي .." قانون نفسي يتغير "
وقالت الفنانة إيمان العاصي في برنامج أسرار النجوم عن قوانين تتمني تتغير، : "قانون تعنيف الأسري ربنا ادانا أطفالنا مش أملاك بتاعتنا ربنا ادلنا عيالنا دي أمانات في وقت من الأوقات احنا بنسلمهم للحياة بعد لما نكبرهم ونعلمهم للحياة ونعلمهم كويس وندلهم حب كتير ونربيهم وندخلهم مدارس لو تعبوا نعالجهم ده دورنا كأهالي مع أولادنا لحد في وقت ما ١٦سنة أو ١٣سنة بنسلموا للحياة وتبقى حياتهم لكن بقى الأهالي اللي بتعذب عيالها عذاب حقيقي.. عذاب مينفعش يتحكي أنا شوفت كتير ألاقي مثلاً الأب أو الأم ٣سنين أو أربع سنين
وتابعت، "اعتقد يتساوى مع القاتل اللي يفكر إن يأذي إنسان مخلوق معندوش القدرة ولا القوة أنو يدافع عن نفسو .. نفسي يتغير أو أي راجل يضرب مراته القانون ده يبقى عادل أوي قاسي جداً عشان محدش يفكر إني ممكن يقدر يتحكم في حياة إنسان تاني يتعذبوا نفسياً أو إنسانيا واعتقدإن لو القانون أتغير في المنطقة دي يبقى مفيش حد يجرأ إن هو يضرب ابنه أو بنته تاني أبداً أو يتحكم فيهم تحكم مرضي".
إيمان العاصي.. دكتور نفسي للمقبلين على الزواج
وأضافت" في قانون تاني نفسي يتحط يبقى فيه إجباري كده دكتور نفسي يقعد مع المقبلين على الزواج ولازم يبقى فيه قانون مش أي حد من حقوا إن يخلف تماماً".
واستعادت العاصي ذكريات شخصية «دلال» في مسلسل «جعفر العمدة»، قائلة: «استمتعت بدور الشر جدا في هذا العمل، لأنه يجعل الفنان يكتشف أمورا لم يكن يعرف أنها بداخله، والأدوات الخاصة بالممثل هي ما تفرق في الدور سواء ملابس أو إكسسوارات، وبحب مشاهد كثيرة لي في هذا المسلسل وإلى الآن الجمهور ما زال يرسل لي تعليقات على العديد من المشاهد».
يذكر أن آخر أعمال الفنانة إيمان العاصي مسلسل "برغم القانون" الذي يعرض حالياً على قناة ON،و يشاركها في بطولته كل من هاني عادل، محمد القس، وليد فواز، عابد عناني، رحاب الجمل، فرح يوسف، عايدة رياض، محمد محمود عبد العزيز، جيسيكا حسام الدين، نبيل على ماهر وعدد آخر من الفنانين، تأليف نجلاء الحدينى وإخراج شادى عبد السلام وإنتاج الشركة المتحدة وشركة فنون مصر للمنتجين ريمون مقار ومحمد عبد العزيز.
0 تعليق