هي إزاي الحكومة هتوطن صناعة السيارات في مصر، وهل عندنا الآليات اللي تمكنا من تحقيق المعادلة الصعبة دي، وامته هنشوف أول الماركات العالمية للسيارات طالعة من عندنا وبتحمل شعار صنع في مصر.
في الساعات الأخيرة، المهندس حسن الخطيب وزير الاستثمار والتجارة الخارجية، عمل لقاء موسع مع الأعضاء المنتدبين لشركات السيارات العالمية، ووكلاء وموزعي وتجار السيارات، وده كان لبحث توطين صناعة السيارات في مصر.
كما الوزير، اتكلم عن التحديات اللي بتواجه القطاع ده، وشدد على توجه الدولة الحالي لتوطين هذه الصناعة في مصر، عشان نكفي السوق المحلي ونخلق قاعدة تصديرية مهمة، ونقدر نجذب العملات الأجنبية زي الدولار واليورو وغيرها.
كمان، وزير الاستثمار قال إن الحكومة المصرية بتولي اهتماما كبيرا بقطاع السيارات، لأنه قطاع حيوي له أهمية كبيرة جدا وكمان بيجذب الاستثمارات الأجنبية، عشان كده هنوطنها هنوطنها.
ووزارة الاستثمار دلوقتي، شغالة على سياسات شفافة ومعايير واضحة بهدف تنظيم قطاع صناعة السيارات في مصر، والحكومة دلوقتي شغالة على تنفيذ المزيد من الإصلاحات والسياسات المالية والإجرائية، واللي من شأنها توفير المزيد من التيسيرات للمستثمرين المحليين وتسهيل حركة التجارة الخارجية لمصر.
كمان نقدر نقول، إن السوق المصري بيتمتع بمميزات ومقومات تنافسية، مقارنة بالدول التانية، وده اللي بتسعى له الحكومة عشان تستغله لجذب المزيد من الاستثمارات.
ودلوقتي، أولويات وزارة الاستثمار هو العمل على تقليل فترة الإفراج الجمركي، بالإضافة لخفيف الأعباء الضريبية والمالية عن المستثمرين في قطاع صناعة السيارات.
أما الوكلاء والموزعين وتجار السيارات، الحكومة حريصة على الاستماع وتنفيذ مقترحاتهم وإزالة كل التحديات اللي بتواجه هذا القطاع الحيوي عشان ننهض به، كخطوة مهمة جدا لتوطين هذه الصناعة محليا.
0 تعليق