الجمعة، 25 أكتوبر 2024 11:48 م 10/25/2024 11:48:55 PM

علق الإعلامي عمرو أديب على فوز النادي الأهلي بالسوبر المصري أمام الزمالك قائلا: "الزمالك مبقاش عنده مشاكل، والأهلي كان مرعوب، مبقاش اسمه "الحصالة".. مفيش الكلام ده، والزمالك عاد إلى مكانه الطبيعي".

وخلال تقديم برنامج "الحكاية" عبر فضائية "إم بي سي مصر2" تابع أديب: "مبقاش سهل الأهلاوي يرقص أي زملكاوي بسهولة، ولا قبل الماتش يقولوا هنكسبهم 5 أو 6".

وأكمل "أديب": "أنا عايزكم تكونوا رحماء بشيكابالا، يا جماعة وارد أي حد يضيع، حسوا بالراجل، ده كان داخل يجيب البطولة وكان ممكن نكسب لو سجلها".

وانتهت مباراة الأهلي والزمالك بفوز المارد الأحمر بركلات الترجيح بنتيجة (7-6)، وهي المباراة التي جمعت الفريقين، في نهائي كأس السوبر المصري.