العالم كله عارف أهمية قناة السويس بالنسبة لحركة التجارة العالمية، وفي تقرير دولي طلع حذر من حاجة مهمة هتأثر علي الاسعار بشكل عالمي لو الحال في قناة السويس فضل علي الشكل ده.. يا تري ايه هو التقرير ده واية تاثير قناة السويس علي الاسعار في العالم.

زي ما قناة السويس شريان رئيسي وهام للدولة المصرية فهيا مصدر مهم كمان للعالم كده خصوصا أنه بتتحكم في حركة التجارة بين كل قارات العالم والاحداث اللي بتحصل في منطقة البحر الاحمر واللي بسببها قناة السويس انخفضت ايراداتها الدولارية بنسبة 60% عن الايرادات اللي كانت القناة بتحققها في وقت سابق، بسبب ان اغلب حركة التجارة العالمية بدا ياخذوا طريق راس الرجاء الصالح علشان يتفادوا الحروب والضربات واضطرابات حركة الملاحة اللي موجودة في البحر الأحمر.
طيب اية اللي بيحصل في البحر الأحمر وأثر علي الدخل الدولاري لمصر من قناة السويس؟.
من اكثر من سنة وفي حركة تغيرات جيوسياسية كبيرة بتحصل في منطقة الشرق الأوسط بشكل عام، والتغيرات دي دخل فيها اكثر من دولة منهم دول علي بداية البحر الاحمر وللاسف الدولة دي فيها قوت سيطرة علي حركة الملاحة في مدخل البحر الاحمر من اتجاه الجنوب، وبدأ تنفذ ضربات علي اي سفينة في طريقها للملاحة البحرية في البحر الاحمر وللاسف الضربات دي اثرت علي حركة الملاحة بشكل كامل سواء كانت السفينة في طريقها لدعم عسكري أو دعم تجاري، وبالتالي كل السفن التجارية حاليا بتفضل البعد عن الملاحة في البحر الأحمر والعبور في طريق طويل اسمه طريق راس الرجاء الصالح والطريق ده بيمر بمحيط قارة افريقيا بالكامل ومنه الي البحر المتوسط والدخول الي قارة أوروبا أو قارة اسيا .

حركة السفن التجارية  حوالين افريقيا للوصول الي الملاحة في البحر الاحمر كلفت السفن التجارية والتجار والمستثمرين مبالغ كبيرة لتامين حركة التجارة خصوصا أن في دول كتيرة في افريقيا مشهورة بشغل القراصنة والهجمات علي السفن التجارية ده غير الوقت الطويل اللي بتاخذه السفن دي واستهلاك عالي جدا للوقود لحد ما توصل الي البحر الاحمر وبعدين تكمل طريقها الي الجهة اللي رايحة لها سواء كانت قارة أوروبا أو قارة أسيا .

طيب ايه التقرير الدولي اللي حذر العالم بسبب قناة السويس وتاثيره اية علي الاسعار العالمية؟.

منظمة الأمم المتحدة للتجارة والتنمية أونكتاد حذرت في تقرير لها من الضغوط المتزايدة على شرايين التجارة العالمية المتمثلة في قناة السويس، وقناة بنما، والبحر الأسود، وقالت أنه ده بيفتح الباب قدام أزمة جديدة هتؤثر سلبًا على الاقتصاد العالمي من خلال رفع أسعار السلع والمنتجات مرة تانية، خصوصا أن التغيرات اللي هتأثر علي الاقتصاد العالمي جاي في وقت دقيق العالم كه بدأ يشهد حركة تعافي بعد جائحة كورونا واللي أدت لارتفاع التضخم في كل دول العالم. 
التقرير اتكلم وقال أنه في حالة استمرار الأزمات في منطقة الشرق الاوسط فالأسعار العالمية مرشحة للارتفاع  بنسبة هتوصل لـ 0.6% بحلول عام 2025، وهتوصل معدل الزيادة في الدول النامية لـ 0.9%، وأكد التقرير كمان أن أسعار الأغذية المصنعة هتكون من أبرز المنتجات اللي هتتاثر بالأزمة الحالية وهيوصل معدل الزيادة لـ1.3%.