هي إيه مزايا بطاقة "انفينت" الائتمانية الجديدة، اللي طرحها بنك مصر من كام يوم، وإيه هي حدود استخدامها، وهل متاح تسحب منها خارج مصر، هنقولك كل التفاصيل في الفيديو ده فتابعنا للآخر. 
 

في الأيام الأخيرة، بنك مصر وشركة فيزا، طرحوا بطاقة ائتمانية جديدة تحت مسمى "انفينت"، ودي بتتيح تجربة مصرفية مميزة للعملاء المستهدفين، وبتيجي ضمن استراتيجية البنك لتزويد العملاء بأحدث الخدمات المصرفية.

مزايا بطاقة انفينت الائتمانية الجديدة، كتيرة واللي بينها السهولة والراحة، لأنها بتسمح بإدارة بطاقتك الائتمانية في أي وقت ومن أي مكان من خلال تطبيق الموبايل البنكي BM Online، ومن بينها سداد المديونية وسداد الفواتير.

كمان، بتتيح التقسيط بدون فوايد، يعني ممكن تستفيد من عروض التقسيط من التجار المتعاقدين مع بنك مصر لمدة بتوصل ل 60 شهر.

ومش بس كده، لأ ده كمان متاح الاستخدام الدولي لها، يعني ممكن  تستمع باستخدام البطاقة في أي مكان في العالم بعد شهرين فقط من إصدارها، ومسموح بالتسجيل التلقائي في BM Rewards، واللي هو برنامج المكافآت من بنك مصر، وكمان متاح تحصل على مكافآت وعروض مميزة.

طب إيه هو حدود الاستخدام؟

في حالة الشراء من خلال شبكة الإنترنت داخل مصر، فالحد الأقصى هيكون 800000 جنيه مصري شهريا، بحد أقصى 20 مرة شهريا، أما في حالة الشراء من خارج مصر، فهنا بيوصل الحد الأقصى للاستخدام 100,000جنيه مصري شهريا بحد أقصى 15 مرة يوميا، وده في حالة عدم إبلاغ العميل بالسفر.

ونقدر نقول، إن الحد الأقصى للاستخدام للشراء خارج مصر في حالة إبلاغ العميل بالسفر بيوصل ل 300,000 جنية مصري.

أما بالنسبة لرسوم الإصدار، فبتوصل في للسنة الأولى ل 8000 جنيه، لكن إصدار بطاقة بدل تالف أو بدل فاقد بتتكلف 500 جنيه.

يعني نقدر نقول، إن بنك مصر بيعمل عظمة، وكل ده أهله إنه يفوز السنة دي، بجائزة أفضل بنك في إدارة صناديق أسواق النقد والاستثمارات قصيرة الأجل في الشرق الأوسط لعام 2024.

ودي بتعتبر المرة ال16 اللي بيحصل فيها بنك مصر، على الجائزة من مجلة جلوبال فاينانس Global Finance؛ واللي بتعتبر إحدى أكبر المجلات المالية المتخصصة في العالم، وبتستند المجلة في اختيارها للبنوك. لمجموعة كبيرة من المعايير المصرفية الدولية، بالإضافة إلى آراء مجموعة متميزة من المحللين والمصرفيين الدوليين.