كشفت الفنانة مي فاروق عن موقفها من دخول عالم التمثيل، وذلك من خلال لقاء لها ببرنامج عرب وود.

موقف مي فاروق من دخول مجال التمثيل

وقالت مي فاروق في تصريحاتها التي يرصدها موقع تحيا مصر: أنا مبحسش أني بعرف أمثل خالص، ومظنش هبقى ناجحة في دا، أنا شايفة أني في حتتي مميزة وأنا من مدرسة أني أفضل مركزة في حتتي وأنجح فيها أكتر بدل ما اتشتت وادخل في حاجات تانية ممكن منجحش فيها فتأثر على اللي أنا ناجحة فيه.

مي فاروق تتحدث عن محمد العمروسي بعد الزواج: فرق في حياتي ومهما أشكره مش هيكفي

وكانت قد تحدثت الفنانة مي فاروق عن زوجها الفنان محمد العمروسي في أول ظهور لها بعد الاحتفال بحفل زفافهما والضجة الواسعة التي أحدثها حفل الزفاف عبر مواقع التواصل الاجتماعي حتى تصدر اسمهما تريند السوشيال ميديا، كما تحدثت عن أغنية باركولنا التي قدمتها خلال حفل زفافها وكانت مفاجأة للحضور ومحبيها وكواليس التحضير لها.

وتحدثت الفنانة مي فاروق لأول مرة بعد زواجها عن الفنان محمد العمروسي وأشارت إلى علاقتهما الطيبة وتأثير وجوده في حياتها بعد الزواج وذلك خلال لقائها مع برنامج عرب وود الذي يرصده موقع تحيا مصر، وقالت: "محمد العمروسي داعم جدا طول الوقت ودي من أكتر الحاجات اللي بحبها فيه مهما كان الإنسان ناجح وقوي ومش ناقصه حاجة بيكون محتاج حد لدعمه بردو وعايز حد منه يقوله اه انت قوي وأقوى، وهو دايمًا مهتم بيا وبتفاصيل صغيرة جدًا مهما شكرته مش هديله حقه وهو يستاهل كل حاجة كويسة وهو بني آدم فرق في حياتي الشخصية كتير".

أخر أعمال مي فاروق

ومن الجدير بالذكر أن أخر أعمال مي فاروق أغنية سلطانة، من كلمات عبد الرحمن محمد، وألحان مدين، وتقول كلماتها: يا اكثر حد في الدنيا دي بتمناه يا حلم أنا عشت طول الوقت بستناه وجودك جنبي يسعدني بقالي ضهر يسندني أخيرا حب بطمن وأنا عايشاه خلاص مبقتش قلقانة معاك حاسه إني إنسانة يا ونسي ودنيتي وناسي یا مملكتي وحراسي وأنا وياك بحس بإني سلطانة خلاص مبقتش قلقانه معاك حاسه اني انسان يا ونسي ودنيتي وناسي يا مملكتي وحراسي وانا وياك بحس باني سلطانة يا فرحة قلبي يا املي الي عايشه عليه يا راحة بالي وانت معايا هخاف من ايه حبيبي ما خابش فيك ظني یا رب ما يبعدك عني وجودك جنبي ده اللي انا كنت بحلم بيه، خلاص مبقتش قلقانة حاسه اني انسانة يا ونسي دنيتي وناسي يا مملكتي وحراسي وانا وياك بحس بأني سلطانة خلاص مبقتش قلقانه معاك معاك حاسة اني انسانه يا ونسي دنيتي وناسي يا مملكتي وحراسي وانا وياك بحس بإني سلطانة.