قال الإعلامي عمرو أديب أن منطقة وسط القاهرة اللي بناها أجانب، والعمارات دي لم يبنها مصريون. المسألة ببساطة، افتحوا الباب للجميع، افتحوا الباب لتصورات جديدة.. منطقة وسط القاهرة دي مدينة لوحدها، وترميم هذه الأشياء مكلف جدًا، الوزارات القديمة زي وزارة التعليم من 1981 ووزارة الأوقاف اللي من سنين، لازم اللي يرممها يكون فنان.

وقال" كلامي واضح، مش فاهم الحساسية اللي بقيت موجودة عند الناس. أنا بدعي، يارب تاخدها أي شركة سعودية، هولندية، أو إماراتية، أو غيرها

وعلق على مقترح رجل الأعمال الإماراتي، محمد على العبار، مؤسس شركة إعمار العقارية، والذي عرض أن يقوم بتطوير منطقة وسط البلد بالقاهرة، قائلا " نحن نحتاج كشعب مصري أن نكون أكثر انفتاحًا على ذلك، فالرجل أبدى رغبته في تطوير منطقة وسط البلد، وهو أحد أبرز الأسماء في مجال العقارات، ومع ذلك هي مجرد رغبة".

ووجه رسالة إلى الدولة، قائلًا: افتحوا الباب، أعلنوا أن مصر عندها مشروع عظيم. المتحف المصري ده من سنة 1902. الدولة المصرية عندها رؤية لأن يكون المكان سياحي

وتابع: عايز الشوارع دي في وسط البلد تتقفل، وما يبقاش فيها عربيات، ويبقى فيها ممشى، وزرع، وكافيهات، بدل النخل اللي من سنين ده

واستطرد عمرو أديب: أنا مش بتكلم عن بيع مصر، عشان محدش يقول عمرو عايز يبيع مصر، بس طالما ناويين نتطور، يبقى نعملها صح. شجعوا الاستثمار في مصر، ولو مش عايزين، عادي، ارجع أكلمكم في الأهلي والزمالك".