مش هناخذ قروض تاني من صندوق النقد.. والبديل هيكون من اسيا.. ياتري اية اللي حصل بين مصر وصندوق النقد الدولي.. ومين البنك الأسيوي اللي مصر هتاخذ منه قروض بديلا لصندوق النقد الدولي.
الشروط الصعبة اللي صندوق النقد الدولي حطها قدام مصر للحصول علي قروض واللي اغلبها متعلق برفع الدعم وتشيدد الانفاق الحكومي والمشاكل اللي حصلت بين الحكومة وبين صندوق النقد لما الحكومة رفضت الشروط اللي اقرها البنك لتسليم مصر الشريحة الرابعة واللي بتوصل قيمتها لـ1.2 مليار دولار من قرض الـ8 مليار دولار واللي مصر حصلت موافقته في مارس 2024 لما الرئيس عبدالفتاح السيسي اصدر توجيهات للحكومة بالتفاوض مع الصندوق لتاجيل تنفيذ بعض شروط الصندوق واللي كانت كلها متعلقة بزيادة في اسعار الخدمات اللي بتقدمها الحكومة للمواطنين بسبب الظروف الجيوسياسية اللي بتمر بيها مصر واللي اثرت علي الايرادات الحكومية من القطاعات المختلفة.
عمليات الشد والجذب اللي دارت بين الحكومة وصندوق النقد الدولي والتشديدات اللي طالبها الصندوق لرفع الدعم عن الخدمات الحكومية واللي للاسف تسببت في ظروف صعبة للمواطنين المصريين خلت الحكومة تعيد حساباتها مرة تانية في الاستدانة من الصندوق، والحكومة بدأت تدور علي مصادر بديلة علشان تاخذ قرار لاستكمال بناء الجمهورية الجديدة، واستكمال بناء المشروعات القومية مشروعات البنية التحتية اللي الدولة بتشديها في الوقت الحالي.
طيب منين الحكومة هتاخذ قروض بعد ما نستغني عن خدمات صندوق النقد الدولي ؟.
مصر في الفترة اللي فاتت كانت مشاركة بوفد وزاري في اجتماعات الربيع لصندوق النقد الدولي والبنك الدولي وناقشوا فكرة تحويل جزء من الديون اللي موجودة علي مصر لاستثمارات مباشرة في الاقتصاد المصري، ده مناقشة طرح تحفيزات جديدة لدخول استثمارات مباشرة لمصر.
الاجتماعات اللي عقدها الوفد الوزاري المصري توصلت لأتفاق مع البنك الآسيوي للاستثمار في البنية التحتية للحصول علي دعم للموازنة بقيمة 300 مليون دولار ومتوقع الانتهاء من الإجراءات واستكمال الصفقة مع نهاية شهر يونيو المقبل، والقرض ده هيكون دفعة إضافية لجهود مصر لاستكمال النهضة اللي بتقوم بيها الحكومة لتحديث البنية التحتية والمشروعات القومية في مصر.
0 تعليق