خرج الفنان ياسر عزت في منشور عبر حسابه الرسمي بموقع التواصل الاجتماعي فيسبوك ليتحدث عن فنان كبير سخر منه في لوكيشن التصوير، وذلك على غرار واقعة السيناريست محمود حمدان والفنان أحمد آدم.

ياسر عزت يكشف قصة رفضه من فنان كبير  

وقال ياسر عزت في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك: بمناسبة البوست بتاع الكاتب والمؤلف محمود حمدان بخصوص الفنان أحمد ادم، مرة زمان كنت بعمل مسرحية اسمها كاليجولا وجه الفنان محمد لطفي يتفرج وعجبه العرض وصارت صداقه علي الضيق كده وكان الفنان محمد لطفي بيصور فيلم وقتها فيه نجوم كتير أوي وأخراج مخرج كبير طلبت منه ان اروح أزوره في التصوير واهي فرصة  يمكن يكون  فيه نصيب لشغل يعني.

وتابع ياسر عزت حديثه: مطولش عليكم قولولي طول روحت اللوكيشن واستقبلني الفنان محمد لطفي كويس جدا مع اني مكنتش صاحبه اوي بصراحة وصادفت ان الكاست كله كان متجمع وقاعدين مع بعض ، نجوم الفيلم كلهم ، فخدني من إيدي ودخل قالهم ده ياسر عزت ممثل وشوفته بيعمل كاليجولا وممثل جامد جدا فكان موجود نجم كبير ، اكبر الموجودين سنا ،  رد عليه قاله يا سلام .. ممثل جامد جدا ، هي المشرحة ناقصه قتلا يعني ، ايه جامد جدا دي.

ياسر عزت: النجم الكبير كبير باحتوائه للأصغر منه في الشغلانة 

واستكمل: مفهمتش ساعاتها هو بيتكلم بجد واللا بيهزر واللا ايه بالظبط بس خدت الكلمتين ومن اللوكيشن علي بيتنا وحتي مقابلتش المخرج.

واختتم حديثه، قائلا: النجم الكبير مش بس كبير بنجوميته لا ده كبير باحتوائه للأصغر منه في الشغلانة والدعم للصغير ده واجب علي اي نجم كبير ، حتي لو مشجعوش ميحبطوش لأنه بسبب كلمه أو تصرف ممكن يبطل الشغلانه اساسا طبعا أنا مش  هقول إسم النجم الكبير ده ، احسن الناس الكيوت الملايكة ام جناحات تشتمني  واطلع قلبي اسود ومبسامحش وربنا مش هيكرمني ابدا .

تفاصيل أزمة أحمد آدم ومحمود حمدان 

يذكر، انه كان السيناريست محمود حمدان قد خرج وكتب في منشور عبر موقع فيسبوك بشكل مفاجئ أن الفنان أحمد آدم رفض إعطاءه فرصة للعمل معه ولكن الآن خرج وأشار إلى أنه لم يعثر على عمل منذ فترة وجاء له لكي يعمل معه لكنه رفض أيضا لذلك الحياة كما تدين تدان.