الإثنين، 21 أكتوبر 2024 09:13 م 10/21/2024 9:13:04 PM

زار الدكتور إيهاب الكومي، عضو مجلس إدارة اتحاد الكرة المصري، مستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تفقد الدكتور إيهاب الكومي، خلال الزيارة، غرف الأطفال المرضي، وتعرف على الخدمات الطبية المقدمة لهم، كما التقي عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

وتضمنت زيارة الدكتور إيهاب الكومي، جولة للتعرف على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علاجهم داخل المستشفى.

بدوره، قال الدكتور إيهاب الكومي عضو مجلس إدارة اتحاد الكرة المصري: «النهارده مش هقول أنا موجود في مستشفى الناس.. أنا موجود في صرح طبي لكل الناس، لكل المصريين، المكان اللي أنا موجود فيه النهارده خلى عندي أمل في بكره».

وتابع: «المكان اللي بيقدم خدمة طبية لكل الناس، الفقير قبل الغني، وبدون ما تدفع مليم واحد للمستشفى كمريض، الصرح الكبير اللي أنا شرفت بالتواجد فيه النهارده، مستشفى الناس، مش عارف أشكر مين ولا مين، لكن أنا لازم أشكر كل الناس اللي ساعدت إن يكون عندنا صرح طبي محترم بكل ما تعنيه الكلمة».

وأردف إيهاب الكومي: «في هذا المكان أطفال وكبار، وبيقدم ليهم خدمات طبية كتير زي عمليات القلب المفتوح والقسطرة وعمليات الجهاز الهضمي وعلاج الحروق، المكان ده أكثر من مستشفى في مستشفى واحد، مستشفى الناس الفقير بياخد خدمة الغني في العلاج، وده مش بنلاقيه في أي مكان تانى».

وواصل إيهاب الكومي: «مستشفى الناس مكان فيه نظافة على أعلى ما يكون، ويضم فريق طبي من كبار الأطباء في مصر وطاقم تمريض يستقبل المرضي بابتسامة حدث ولا حرج».

وأكمل عضو اتحاد الكرة حديثه عن مستشفى الناس قائلا: «أنت مش في مستشفى أنت في فندق من النظافة اللي موجودة، لو في أكبر الفنادق مش هتشوف اللي شوفته النهارده، لكن عشان نحافظ على المكان ده ونتوسع أكتر، لازم نتكاتف وأيدينا تكون في أيدين بعض، وادعو كل المصريين للتبرع وليس رجال الأعمال فقط، الجنيه اللي أنت هتدفعه مقابله خدمات كتير جدًا تقدم لطفل صغير، بيعمل عملية قلب مفتوح لطفل لسه مولود، بيتعالج من القلب أو من الحروق أو الجهاز الهضمي».

واختتم الكومي حديثه: «اللي حكيته النهارده ده جزء صغير جدا من اللي شوفته والحالة الجميلة اللي أنا خرجت منها.. عندما شاهدت طفل صغير وهو بيعمل عملية قلب مفتوح والأب والأم متوترين عليه، استحضرت مقولة: "هيا بنا نجدد الآمال ونخفف الآلام ونعيد البسمة إلى وجوه طالما اشتاقت إليها.. دا كله هتلاقيه هنا في مستشفى الناس لكل الناس ولكل المصريين.. شكرًا إلى كل القائمين على هذا الصرح الطبي.. شكرًا من القلب».

والجدير بالذكر أن مستشفى الناس تعد مستشفى خيري وتقدم جميع خدماتها بالمجان وتبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية. وقد تم افتتاح المستشفى عام 2019، وتم مناظرة أكتر من 20 ألف حالة من خلال العيادات الخارجية للمستشفى، بالإضافة إلى إجراء أكثر من 7000 عملية حتى الآن.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).