علق الإعلامي سيد على، على أزمة إمام عاشور لاعب النادي الأهلي الأخيرة، بعد تغريمه مبلغ مليون جنيه، من قبل إدارة القلعة الحمراء.

وهاجم على، في تعليق ببرنامجه «حضرة المواطن» عبر قناة «الحدث اليوم، مساء السبت، إدارة النادي الأهلي بسبب تعاملها مع الأزمة، منتقدًا اللاعب أيضًا.

وقال: «السؤال الأول كمواطن مصري، لما تيجي تقولي شاب عنده حاجة وعشرين سنة، اتخصم منه مليون جنيه، طيب هو بياخد كام أصلا؟!».

وأضاف: «الأهلي مؤسسة تربوية على دماغي، لكن لما يبقى عندك حاجة احتويها يا سيد محمد رمضان (مدير الكرة)، مش طالع فرحان في الإعلام وعملنا وهندبح، في دورات في التعامل النفسي والتربوي».

وتابع: «أنا مش مبسوط من محمد رمضان، ولا إمام عاشور، ولا بالزيطة اللي حوالين الموضوع، وكأن مصر مفيهاش حاجة غير إمام عاشور، متقوليش بقى إن نادي الأهلي نادي القيم والمبادئ صدعتونا، بقول ده وأنا أهلاوي، نادي القيم والمبادئ لم ابنه يغلط مش بيشرشح له قدام الناس».