ناس كتير حوالين العالم مش في مصر بس مستنين تحديد موعد افتتاح المتحف المصري الكبير ياتري هيكون امتي، ولاية الاهتمام العالمي بالمتحف المصري الكبير، واية الاضافة اللي هيضفها للسياحة المصرية.. لو عايز تعرف كل ده شوف الفيديو ده للاخر
 

المتحف المصري الكبير واحد من الهدايا اللي كل الناس في كل دول العالم متنسيها في 2025، وكل الناس عندها تشوق علشان تعرف اللحظة دي امتي بالضبط خصوصا أن المتحف ده هيضم عدد من الاثار اللي أول مرة تعرض في العالم ده، يعني الزائر هيشوف قطعة اثرية عمره في حياته ما شافها قبل كده زي اثار توت عنخ أمون واللي هتعرض أول مرة بشكل كامل من لحظة اكتشافها عام 1922 ولحد النهاردة متعرضت منها الا قطع معينة، والمتحف المصري الكبير هيعرضها المجموعة الأثرية لأول مرة بشكل كامل في 2025 واللي بتوصل عددها لأكثر من 5 الاف قطعة اثرية، هتعرض مع بعضها في قاعة مخصصصة لها في المتحف المصري الكبير.

طيب المتحف المصري الكبير هيفتتح للعرض والزيارة بشكل كامل أمتي بالضبط؟

الدكتور زاهي حواس وزير الاثار الاسبق وعالم المصريات قال أن افتتاح المتحف المصري الكبير هيكون في واحد من شهور أبريل أو مايو أو يونيو من 2025، وتحديد الافتتاح في الموعد ده هيكون في ظل رغبة مصر في زيادة عدد السائحين اللي عايزين يخرجوا يقضوا اجازتهم في مناطق اثرية فريدة حولين العالم وطبعا مفيش زي المتحف المصري الكبير اللي هيكون عليه العين من كل الناس حوالين العالم كله علشان الناس تنزل مصر وتشوف اكثر من 50 الف قطعة اثرية معروضة مع بعهضم في مكان واحد.

الدكتور زاهي حواس اتكلم وقال أن  المتحف المصري الكبير هيضم كنوز عالمية هتعرض لأول مرة في التاريخ، وتم تنفيذه بأحدث التكنولوجيا في العالم في اساليب العرض المتحفي والأضاءة وتصميم القاعات علشان يكون هدية مصر للعالم.

الدكتور زاهي حواس اتكلم كمان عن تفاصيل الافتتاح وقال أنه هيتم دعوة كل الملوك والرؤوساء حوالين العالم لحضور الافتتاح، خصوصا أن الافتتاح هيكون حدث فريد من نوعه ومش هيتكرر كتير حوالين العالم، ومصر عندا رغبة في أن يكون حدث افتتاح المتحف المصري الكبير حدث استثناني عالمي يحضره كل الناس وصناع القرار وكل المؤثرين.

طيب ليه مصر  اختارت المعياد ده بالذات علشان تتتفتح المتحف المصري الكبير؟

مصر عندا استراتيجية للوصول لتحقيق 30 مليون سائح في 2028 وتحقيق 30 مليار دولار كايرادات من القطاع وعلشان مصر عايز توصل للرقم وده وتكون رافد دولاري جديد للدولة المصرية كان لازم مصر تعمل مفاجاة لكل الناس حوالين العالم علشان يختاروا ينزولوا عن باقي دول العالم والمنافسة لينا في قطاع السياحة خصوصا تركيا واللي هيا المنافس الاول لينا في حركة السياحة حاليا والافتتاح ده هيغير خريطة السياحة العالمية بشكل كامل .