ليه كل شوية بنسمع إن البنك المركزي سحب سيولة ضخمة من البنوك؟ هو بيعمل كده ليه؟ والفلوس اللي بياخدها دي بتروح فين؟ وهل الإجراء ده ليه تأثير مباشر على جيب المواطن؟

أول حاجة لازم نعرفها هي معنى كلمة "السيولة" في المجال البنكي… السيولة دي ببساطة هي الفلوس الجاهزة عند البنوك سواء في شكل كاش أو أموال في حسابات العملاء..  واللي تقدر تستخدمها بسرعة في عمليات الإقراض أو تلبية احتياجات السو وفي الفترات الأخيرة.. البنك المركزي المصري زوّد معدل سحب السيولة من البنوك.

طب ليه البنك المركزي بيسحب السيولة من البنوك؟

فيه اسباب كتيرة.. أول وأهم سبب لسحب السيولة هو مواجهة التضخم. لما يكون فيه فلوس كتير في السوق والبنوك بتقدر تقرض بسهولة، ده معناه إن الناس بتصرف أكتر. ولما الطلب على السلع والخدمات يزيد بشكل كبير، الأسعار بتبدأ تعلى، وده اللي بنسميه تضخم.. والبنك المركزي بيسحب جزء من السيولة عشان يقلل كمية الفلوس المتاحة في السوق، وده يساعد في تهدئة التضخم.

كمان.. الحفاظ على استقرار سعر الصرف.. لأن  لما السوق يكون فيه سيولة كبيرة بالدولار أو الجنيه.. ده ممكن يسبب ضغط على سعر الصرف. البنك المركزي بيتدخل عن طريق سحب السيولة الزايدة، ليه كل شوية بنسمع إن البنك المركزي سحب سيولة ضخمة من البنوك؟ هو بيعمل كده ليه؟ والفلوس اللي بياخدها دي بتروح فين؟ وهل الإجراء ده ليه تأثير مباشر على جيب المواطن؟

وخد بالك البنك المركزي دوره الأساسي إنه يحافظ على توازن السوق بين العرض والطلب على الفلوس.. ولو السوق مليان سيولة أكتر من اللازم ده بيعمل ارتباك اقتصادي..و الإجراء ده جزء من السياسة النقدية اللي بيستخدمها البنك عشان يحقق استقرار.

إزاي البنك المركزي بيسحب السيولة؟

البنك المركزي عنده أدوات كتير يقدر يستخدمها لسحب السيولة ومنها الوديعة الأسبوعية.. ودي واحدة من أكتر الأدوات شيوعًا. البنك المركزي بيعرض على البنوك إنها تحط جزء من الفلوس عنده كوديعة بعائد معين. العائد ده بيشجع البنوك إنها تشارك، وده بيخلي البنك المركزي يتحكم في كمية السيولة اللي في السوق.

كمان سحب السيولة ممكن يتم من خلال إصدار أذون خزانة وسندات.. والحكومة بالتنسيق مع البنك المركزي بتطرح أذون خزانة وسندات في السوق.. البنوك بتشتريها عشان تاخد عائد ثابت وده بيخلي جزء كبير من السيولة يتحول للحكومة بدل ما يفضل متاح للإقراض.

نيجي لسؤال مهم السيولة اللي بياخدها البنك المركزي بتروح فين؟

الفكرة هنا إن البنك المركزي مش بياخد الفلوس دي ويصرفها.. لا دي فلوس بتتحجز لفترة مؤقتة بهدف تحقيق توازن في السوق.. وجزء من السيولة دي بيتوظف في تقليل الضغوط التضخمية.. وجزء تاني بيتحول لأدوات تقدر الدولة تستخدمها في تمويل احتياجاتها زي مشروعات البنية التحتية أو سداد الديون.