أكد الإعلامي عمرو أديب، أن الإسرائيليين لم يحققوا الأمن رغم كل ما يقومون به من قتل وتدمير على سبعة جبهات.

وقال أديب خلال برنامج "الحكاية" المذاع على قناة "إم بي سي مصر": "النهاردة كان في واقعة لها معنى مهم جدا، وهذا المعنى أنا بهديها لناس كتيرة بقابلهم بيقولوا شوف إسرائيل عملت ايه قتلوا كل قيادات المقاومة وأخدوا اللي عايزينه، أنت بقالك سنة بتضرب ست سبع دول وكل حدودك بتحارب عليها فييجي النهاردة مواطن عربي إسرائيلي بعربية في مكان قرب مركز الموساد ويقتحم محطة أتوبيسات فيها عدد كبير من الجنود والضباط ويروح واخد في وشه 50-60 مات منهم لغاية دلوقتي ستة".

وأضاف: "اللي قدامك ده دي الدولة اللي فاردة عضلاتها علينا الطيران وأيدينا الطويلة هو يعيش في فزع مستمر هو ايه الغاية من أي حرب لأي بلد؟ أنه عايز يأمن البلد بتاعته أن المواطن يشعر بالأمن والأمان".

وتابع: "هذا الرجل عنده غالبية الناس على حدوده حاطين شنطة الهدوم ورا الباب لأن كل شوية أنزل الملجأ وأنزل المخبأ مع كل قوتك وغطرستك أن أنت في كل مكان، على اليمين قاعدة عسكرية وعلى الشمال الموساد ويأتي رجل بعربية ويقتحم المكان واللي يقضي عليه عدد من المواطنين اللي معاهم سلاح أنت بتكلم عن مجتمع مسلح مضطر يضرب رصاص في أي وقت".

وأوضح: "كل اللي أنت عامله ده أنت عاملة ده وأنت لا تشعر بالأمان البتة أنت لا تعرفه أنت في أي لحظة دا الراجل رئيس الوزراء نفسه المسيرة نزلت جنب البيت لدرجة أنهم قعدوا 4 أيام يسألوا عن المدام فين مش لاقينها.

واختتم: "أمنك وأمانك مش في الغطرسة والظلم أمنك وأمانك أن تعطي كل ذي حق حقه ومهما قتلت وولعت لن تعيش في أمان أبدا لأن الناس المظلومة هتفضل دائما تصرخ ولن تسكت فإن أمانك غير موجود، رغم كل اللي أنت عملته وكل الفلوس اللي اتصرفت وكل الدعم الأمريكي والإنجليزي ورغم هذا في النهاية أنت غير أمن إطلاقا أدي الناس حقها ادي الفلسطينيين دولتهم وإلا الأمور هتفضل كده على طول، النهاردة رسالة واضحة كل اللي فات ده لم يحضر أحد".