يا ترى إيه قصة مصنع ورق الفويل اللي الحكومة المصرية بتنفذه دلوقتي، هل المشروع ده نتاج لحديث الريس بخصوص ارتفاع فاتورة مصر من استيراد الفويل، وهل هيلبي الاحتياج المحلي وهنقدر نصدر منه لبره؟.
في الفترة الأخيرة، الحكومة المصرية قررت تنشأ مصنع لإنتاج ورق الفويل، وده بيكون استجابة لحديث الرئيس بخصوص ارتفاع فاتورة استيرادنا من الفويل ل 140 مليون دولار في السنة، يعني ببساطة هنصنعه ونكفي بيه السوق المحلي، وهنصدره كمان ونبطل نستورده.
عشان كده، في الساعات الأخيرة المهندس محمد شيمي وزير قطاع الأعمال العام، عمل جولة في مصانع مصر للألومنيوم بنجع حمادي، واتفقد خطوط الإنتاج المختلفة واطلع على سير العمل في كل مراحل الإنتاج.
كمان، الوزير اتفقد موقع إنشاء مصنع الفويل، واللي هينتج 50 ألف طن لتلبية احتياجات السوق المحلي السوق المحلى والتصدير، وبتصل تكلفته الاستثمارية ل 70 مليون يورو.
والخطوة دي طال انتظارها من الحكومة، رغم أن فويل الألومنيوم سلعة غير أساسية إلا أن مصر بتستهلك حوالي 140 مليون دولار سنويا، ودي تكلفة كبيرة جدا، عشان كده المصنع اللي بيتنفذ في المحلة هيتتج فويل بجودة عالية، وهيقدر يلبي احتياجات السوق المحلي وهنصدره كمان لبره، عشان نجذب عملة أجنبية بالدولار واليورو وغيرهم.
وطبعا شركة مصر للألومنيوم، هي اللي هتنفذ المشروع ده وهتشرف على عمليات الإنتاج، لأنها بتعتبر واحدة من القلاع الصناعية المهمة اللي بتوليها الحكومة المصرية اهتمام كبير، وبتدعم بشكل كويس الصناعة المحلية وبتحد من الواردات، وكمان لها دور كبير في تعزيز القدرات الإنتاجية للشركات التابعة وتحديث المصانع واستخدام التقنيات الجديدة وتطبيق معايير الجودة والاستدامة والسلامة وتحسين بيئة العمل، عشان تساهم في تحقيق نمو اقتصادي مستدام.
كمان، المشروعات الاستثمارية الجديدة لمصر للألومنيوم، بتعتبر خطوة مهمة لزيادة الإنتاج والقدرة التنافسية للشركة، وبتستهدف دلوقتي توطين التكنولوجيا الحديثة عشان نحقق مضافة ونتائج ترتقي بمستوى الإنتاج، وكل ده بهدف زيادة الصادرات ودعم الاقتصاد الوطني.
وحاليا، الحكومة المصرية مهتمة بالصناعات اللي فاتورة استهلاكها كبيرة زي صناعة "الفويل"، عشان نقدر نوفرها جوه مصر وتكفي احتياجاتنا من ناحية، وكمان عشان دورها فى دعم الاقتصاد القومي وتقليل فاتورة استيراد بالعملة الأجنبية من ناحية تانية.
والفترة الجاية، هتشهد بداية أول إنتاج لمصنع فويل الألومنيوم في مصر، واللي هيكون أحدث الصناعات اللي اشتغلنا عليها، واللي هيثبت نجاح المصريين في تحدي التحدي وتصنيع احتياجاتنا بنفسنا، لأن اللي جاي أحسن بكتير.
0 تعليق